सातारा :  तालुक्यातील मानेवाडी येथे नायरा पेट्रोल पंपाजवळ दि २३ फेब्रुवारी रोजी भरधाव बुलेट चालक ओंकार बजरंग बाबर(वय २५,राहणार काळोशी, अंबवडे ता.जि. सातारा) याने समोर चाललेल्या मोपेड दुचाकीला पाठीमागून जोराची धडक दिली.

यामध्ये फिर्यादी रामदास विठ्ठल खामकर (वय ६२, रा.सोनवडी-गजवडी,ता.जि. सातारा) यांच्या डाव्या हातास व पायास तसेच त्यांची पत्नी वैजंता खामकर (वय ५८) यांच्या डाव्या पायास व उजव्या हातास तसेच नातू अर्जित रोहित खामकर (वय ४ वर्ष) याच्या डाव्या पायास गंभीर व किरकोळ दुखापत केली. याप्रकरणी रामदास खामकर यांनी दि. १ मार्च रोजी फिर्याद दिली असून ओंकार बाबर यांच्या विरोधात सातारा तालुका पोलीस ठाण्यात अपघातास कारणीभूत ठरल्याप्रकरणी गुन्हा दाखल झाला आहे. अधिक तपास पोलीस हवालदार वायदंडे करत आहे.