पाटण : पाटण विधानसभा मतदारसंघातील सर्वसामान्य जनतेच्या अडीअडचणी, विविध समस्या तात्काळ जागेवरच सोडवण्यासाठी गृहराज्यमंत्री शंभूराज देसाई यांचे अध्यक्षतेखाली मंगळवार, दि. 15 रोजी सकाळी 11.30 वाजता पाटण तहसील कार्यालयाच्या प्रांगणात जनता दरबाराचे आयोजन करण्यात आले आहे. 

कोरोना संसर्गानंतर राज्याचे राज्यमंत्री म्हणून शंभूराज देसाई यांच्या अध्यक्षतेखाली पहिल्यांदाच जनता दरबार होत आहे. या जनता दरबारामध्ये ना. देसाई पाटण विधानसभा मतदारसंघातील सुपने मंडलासह जनतेच्या समस्या व विकास कामासंदर्भात अडीअडचणी जाणून घेणार आहेत. जनता दरबारात सर्व शासकीय यंत्रणेचे खातेप्रमुख यांनाही निमंत्रित करण्यात आले आहे.