सातारा : जिल्ह्यात सोमवारी 898 कोरोनाबाधित रुग्ण निष्पन्न झाले, तर 31 बाधितांचा उपचारादरम्यान मृत्यू झाला. तसेच 761 नागरिकांना कोरोनातून बरे झाल्याने डिस्चार्ज देण्यात आला आहे. याबरोबरच 1209 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
रविवार बरोबरच सोमवारही सातारा जिल्ह्यासाठी घातवार ठरला. तब्बल 898 बाधित निष्पन्न झाल्याने जिल्ह्यातील कोरोनाबाधितांचा आकडा 25 हजार पार गेला आणि याबरोबरच 31 कोरोनाबाधितांच्या मृत्यूने सातारकरांवर चिंतेचे मळभ अधिकच दाट झाले आहेत. या कोरोनाबळींमुळे जिल्ह्यातील एकूण कोरोनाबळींची संख्या सातशेच्या समीप म्हणजेच 690 वर पोहोचली आहे. जिल्ह्यात 898 बाधित निष्पन्न झाल्याने जिल्ह्यातील बाधितांची संख्या 25 हजार 476 वर पोहोचली आहे. तसेच जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 761 नागरिकांना कोरोनातून ठणठणीत बरे झाल्याने घरी सोडण्यात आले. त्यामुळे जिल्ह्यातील एकूण कोरोनामुक्तांची संख्या 15 हजार 594 झाली आहे. 1209 जणांचे नमुने तपासणीसाठी पाठविण्यात आले असल्याचीही माहिती जिल्हा शल्यचिकित्सक डॉ. सुभाष चव्हाण यांनी दिली.
31 बाधितांचा मृत्यू
क्रांतीसिंह नाना पाटील सर्वसाधारण रुग्णलय, सातारा येथे  वर्णे सातारा येथील 56 वर्षीय पुरुष, संगमनगर येथील 53 वर्षीय पुरुष, राऊतवाडी येथील 76 वर्षी पुरुष, देशमुख नगर येथील 47 वर्षीय महिला, चिंचणेर येथील 48 वर्षीय पुरुष, शाहुपुरी येथील 76 वर्षीय महिला, दत्तनगर 60 वर्षीय महिला, तारगाव येथील 73 वर्षीय महिला, सातारा येथील 64 वर्षीय पुरुष, सातारा येथील 72 वर्षीय महिला, बेलवडे ता. कराड येथील 80 वर्षीय पुरुष, ल्हासुर्णे कोरेगाव येथील 69 वर्षीय पुरुष, कोपर्डे कराड येथील 70 वर्षीय पुरुष, तांबवेवाडी कोरेगाव येथील 45 वर्षीय महिला, कराड येथील 55 वर्षीय पुरुष, जिलह्यातील विविध हॉस्पीटलमध्ये दाखल असणार्‍यांमध्ये विसापूर ता. खटाव येथील 45 वर्षीय पुरुष, येरळवाडी ता. खटाव 76 वर्षीय पुरुष, दरुज ता. खटाव येथील 67 वर्षीय पुरुष, निनाम पाडळी सातारा येथील 59 वर्षीय पुरुष, शाहुपुरी रोड सातारा येथील 56 वर्षीय पुरुष, घिगेवाडी ता. कोरेगाव येथील 75 वर्षीय महिला, पाडळी ता. सातारा येथील 63 वर्षीय महिला, सातारा येथील 63 वर्षीय पुरुष, कराड येथील 70 वर्षीय पुरुष, वडूज ता. खटाव येथील 73 वर्षीय पुरुष, शामगाव ता. कडेगाव येथील 85 वर्षीय पुरुष, संगमेशनगर फलटण येथील 61 वर्षीय पुरुष, गोडोली सातारा येथील 72 वर्षीय महिला, तारळे ता. पाटण येथील 72 वर्षीय पुरुष, मलकापूर कराड येथील 65 वर्षीय पुरुष, किन्हई ता. कोरेगाव येथील 60 वर्षीय पुरुष, असे एकूण 31 जणांचा उपचारादरम्यान मृत्यू झाला आहे असेही डॉ. चव्हाण यांनी कळविले आहे.
1209 जणांचे नमुने पाठविले तपासणीला
स्व. क्रांतीसिंह नाना पाटील सर्वसाधारण रुग्णालय सातारा येथील 16, उपजिल्हा रुग्णालय कराड 31, उपजिल्हा रुग्णालय फलटण 68, कोरेगाव 61, वाई 160, खंडाळा 147, रायगांव 121, पानमळेवाडी 80, मायणी 214, महाबळेश्वर 49, पाटण 41, दहिवडी 50, तळमावले 25 व कृष्णा मेडीकल कॉलेज कराड 246 असे एकूण  1209 जणांचे नमुने तपासणीला पाठविण्यात आले आहेत,अशी माहितीही जिल्हा शल्यचिकित्सक डॉ. सुभाष चव्हाण यांनी दिली.