सातारा : खंडाळा, ता. खंडाळा येथे रस्त्यावर झाडू मारत असताना महिला सफाई कर्मचाऱ्यास दोन जणांनी शिवीगाळ, दमदाटी करून काठीने मारहाण केल्याची तक्रार खंडाळा पोलीस ठाण्यात दाखल झाली आहे.
याबाबत पोलिसांनी दिलेली माहिती अशी, दि. ६ रोजी ३.४० वाजण्याच्या सुमारास खंडाळा, ता. खंडाळा गावच्या हद्दीत छाया फिटनेस क्लबच्या पाठीमागे रस्त्यावर पारगाव, ता. खंडाळा येथील महिला सफाई कर्मचारी लता संदीप चव्हाण (वय ३०) या रस्ता सफाई करण्याचे काम करीत असताना शोभावती नाना चव्हाण, सुहास नाना चव्हाण दोन्ही रा. खंडाळा यांनी तिला इथे झाडू मारायचा नाही, असे म्हणत शिवीगाळ, दमदाटी केली. सुभाष चव्हाण यांनी हातातील झाडुकाठी हिसकावून घेत झाडूच्या काठीने तिच्या डोक्यात व डाव्या हातावर, मनगटावर मारून तिला जखमी केल्याची तक्रार खंडाळा पोलीस ठाण्यात दाखल झाली आहे. पोलीस नाईक भोईटे तपास करीत आहेत.