सातारा : सिद्धेश्वर कुरोली, ता. खटाव येथे एकाला मारहाण केल्याप्रकरणी तीन जणांवर वडूज पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, दि. 14 फेब्रुवारी रोजी 9.45 वाजण्याच्या सुमारास सिद्धेश्वर कुरोली, ता. खटाव येथील मशिदी समोरील गेट समोर रस्त्यावर तेथीलच कृष्णदेव शंकर देशमुख (वय 36) याला संगनमत करून संतोष सदाशिव देशमुख, शिवसुंदर दीपक देशमुख, गणेश दीपक देशमुख सर्व राहणार सिद्धेश्वर कुरोली ता खटाव यांनी विहिरीसाठी घेतलेले पाच लाख रुपये तू का बुडवले, असे म्हणून संतोष देशमुख याने त्यांना हाताने व बुक्क्यांनी मारहाण करून शिवीगाळ दमदाटी केली. संतोष व शिवसुंदर देशमुख याने हातातील टॉमीने त्याच्या डोक्यावर खांद्यावर मारहाण केली. कृष्णदेव देशमुख यांची पत्नी भांडणे सोडण्यासाठी आली असता तिला ही मारहाण करण्यात आल्याची तक्रार पोलीस ठाण्यात दाखल करण्यात आली आहे. संबंधितांवर मारहाणीचा गुन्हा दाखल करण्यात आला आहे.