सातारा : रविवारी सकाळी उसाच्या ट्रॅक्टरखाली सापडून कराड तालुक्यातील सुपने येथील तरुणाचा जागीच मृत्यू झाल्याची घटना सह्याद्री साखर कारखाना कार्यस्थळावर घडली आहे.
याबाबत मिळालेली माहिती अशी, रविवारी सकाळी कराड तालुक्यातील यशवंतनगर येथील सह्याद्री साखर कारखाना कार्यस्थळावर भाऊसाहेब गायकवाड, रा. जालना यांच्या उसाच्या ट्रॅक्टरखाली सापडून कराड तालुक्यातील सुपने येथील अविनाश जाधव या तरुणाचा जागीच मृत्यू झाला. घटनेनंतर ट्रॅक्टर चालकाने ट्रॅक्टर घटनास्थळी सोडून पलायन केले आहे. या घटनेची नोंद तळबीड पोलीस ठाण्यात झाली असून पोलीस उपनिरीक्षक पिसाळ अधिक तपास करीत आहेत.