12:27pm | Jun 30, 2022 |
मुंबई : विधान परिषद निवडणुकीनंतर शिवसेना नेते एकनाथ शिंदे यांनी बंडखोरी करीत पक्षाच्या अन्य आमदारांसह वेगळी भूमिका घेतल्याची स्पष्ट कल्पना आल्यानंतरही शिवसेनेचे महाराष्ट्र आणि मुंबईत जवळपास ३० ते ३५ आमदार होते. मात्र, या आमदारांना रोखण्याची रणनीती तातडीने आखण्यासाठी दमदार पावले उचललीच गेली नाहीत. त्याचवेळी शिंदे यांनी यांनी मूळ शिवसेना आणि पक्षाचे चिन्ह पळविण्याबाबत खेळी केल्याने स्थानिक नेते विभागवार बैठका आणि शिवसेनेच्या शाखांचा ताबा घेण्यात व्यस्त झाले. हीच बाब हेरून शिंदे यांनी पक्ष ताब्यात घेणे तात्पुरते बाजूला ठेवून आवश्यक असलेल्या उर्वरित आमदारांची जुळवाजुळव करीत राज्यातील सरकारलाच शह दिला.
दहा दिवसांपूर्वी विधान परिषद निवडणुकीचे निकाल रात्री उशिरा लागण्यास सुरुवात होत असतानाच शिंदे शिवसेनेच्या आमदारांसोबत सूरतला रवाना झाले. सुरुवातीला नॉट रिचेबल झालेले शिंदे नाराज असावेत, एवढाच शिवसेनेत कयास मांडला गेला. मात्र त्यांच्यासोबत काही आमदार असल्याची माहिती मिळताच मुख्यमंत्री उद्धव ठाकरे यांनी ही गोष्ट गांभीर्याने घेतली आणि लगेचच शिंदे आणि त्यांच्यासोबतच्या आमदारांची शोधाशोध सुरू केली. दुसऱ्या दिवशी शिंदे हे जवळपास दहा ते १५ आमदारांना घेऊन बाहेर पडल्याची निश्चित माहिती शिवसेनेच्या हाती आली.
शिवसेनेच्या शाखा ताब्यात घेण्याची मोहीम
शिंदे यांच्या या सर्व खेळीला शह देण्यासाठी शिवसेनेच्या गटनेतेपदी अजय चौधरी यांची नियुक्ती केली. हे सर्व सुरू असतानाच शिंदे यांच्या गटातून मूळ शिवसेना पक्ष तसेच पक्षाचे चिन्ह असलेले धनुष्यबाण यावर ताबा कसा मिळवता येईल, यासाठीचे प्रयत्न सुरू झाल्याची माहिती शिवसेनेच्या गोटात आली. त्यामुळे लगेचच शिवसेनेच्या नेत्यांनी विभागवार बैठका घेत पक्षाची फूट रोखण्याचे प्रयत्न सुरू केले. शिवसेना खासदार विनायक राऊत यांनी दादर-माहीममधील शिवसेनेच्या शाखा ताब्यात घेण्याची मोहीम सुरू केली. उपशाखा प्रमुखांकडून तशी प्रतिज्ञापत्रेही करण्याचा सपाटा लावण्यात आला.
शिंदे यांच्या रणनीतीने घात
शाखा ताब्यात घेण्याचा झपाटा सुरू असताना शिवसेनचे ३० ते ३५ आमदार पक्षासोबतच होते. या आमदारांना पश्चिम बंगाल वा अन्य कोणत्या राज्यात एकत्रितरित्या ठेवण्याबाबतची चर्चा शिवसेनेच्या नव्या गटनेत्याकडून छेडली गेली. मात्र त्यावर फारशी कार्यवाही झाली नाही. शिवसेनेचे नेते हे पक्ष, चिन्ह वाचविण्याच्या नादात व्यस्त असल्याचे हेरत शिंदे यांनी त्यांच्या गटाला पक्षांतर बंदी कायद्याचा फटका बसू नये, यासाठी प्रयत्न सुरू केले. गटाची संख्या वाढविण्याच्या हालचाली सुरू केल्या. शिवसेनेचे जे आमदार मुंबई आणि महाराष्ट्रात आहेत, त्यांच्याशी संपर्क साधत त्यांना आपल्या गटात सामील करण्याची रणनीती आखली. हे आमदार वेळीच रोखले असते तर शिंदे यांनी सुरू केलेली लढाई शिवसेनेला त्यांच्या पद्धतीने संपवता आली असती. मात्र शिंदे पक्षावर आघात करीत आहेत हे पाहून शिवसेना वाचविण्यासाठी प्रयत्न झाले आणि शिंदे यांनी नेमकी हीच संधी साधत राज्यातील सरकारच हिरावून नेले.
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
वाहनावर विनापरवाना स्पिकर लावल्याप्रकरणी एकावर कारवाई |
सातारा लोकसभेसाठी एकूण १६ उमेदवार रिंगणात |
उमेदवारांच्या निवडणुक खर्चाची नोंदवही तपासण्याचे वेळापत्रक जाहीर ; जिल्हा निवडणूक निर्णय अधिकारी डुडी |
छत्रपती संभाजी महाराज शासकीय वैद्यकीय महाविद्यालय व रुग्णालयतर्फे विविध आरोग्यविषयक उपक्रमांचे आयोजन |
प्लास्टिक पाईपने बेदम मारहाण करून युवकाचा केला निर्घृण खून |
किरकोळ वादातून मुलाला दगडाने मारहाण करुन खून |
न्यू इंग्लिश स्कूलच्या शतकोत्तर रोप्य महोत्सवी वर्षानिमित्त श्रीराम गीते..संगीत संध्या कार्यक्रम |
बेकायदा दारु विक्री प्रकरणी दोघांवर कारवाई |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
वाहनावर विनापरवाना स्पिकर लावल्याप्रकरणी एकावर कारवाई |
सातारा लोकसभेसाठी एकूण १६ उमेदवार रिंगणात |
उमेदवारांच्या निवडणुक खर्चाची नोंदवही तपासण्याचे वेळापत्रक जाहीर ; जिल्हा निवडणूक निर्णय अधिकारी डुडी |
छत्रपती संभाजी महाराज शासकीय वैद्यकीय महाविद्यालय व रुग्णालयतर्फे विविध आरोग्यविषयक उपक्रमांचे आयोजन |
प्लास्टिक पाईपने बेदम मारहाण करून युवकाचा केला निर्घृण खून |
किरकोळ वादातून मुलाला दगडाने मारहाण करुन खून |
न्यू इंग्लिश स्कूलच्या शतकोत्तर रोप्य महोत्सवी वर्षानिमित्त श्रीराम गीते..संगीत संध्या कार्यक्रम |
बेकायदा दारु विक्री प्रकरणी दोघांवर कारवाई |
मोती चौक परिसरातून सोन्याच्या चैनची चोरी |
महिलेच्या पर्सची चोरी |
एसटी स्टॅन्ड परिसरातील कॅफेवर कारवाई; तिघांवर गुन्हा |
मारहाणीसह जबरी चोरी प्रकरणी 20 जणांवर गुन्हा |
उदयनराजे यांनी केली पंतप्रधान मोदी यांच्या कराडमधील सभास्थळाची पाहणी |