सातारा : जिल्ह्यात तीन वेगवेगळ्या ठिकाणी सुरु असणार्‍या जुगार अड्ड्यांवर छापे टाकत 6 हजार 290 रुपये रोख व जुगाराचे साहित्य हस्तगत करण्यात आले.
याबाबत पोलिसांनी दिलेली माहिती अशी, कुडाळ, ता. जावली येथील कृषी उत्पन्न बाजार समितीच्या पाठीमागे अमोल हणमंत शिंदे (वय 37), प्रमोद यशवंत पवार (वय 52, दोघेही रा. बाजारपेठ, कुडाळ) हे जुगार घेताना आढळून आले. त्यांच्याकडून 4 हजार 950 रुपये रोख व जुगाराचे साहित्य हस्तगत करण्यात आले.
देगाव फाटा, ता. सातारा येथे पालकर मटण सेंटर शेजारी पत्र्याच्या शेडच्या आडोशाला तेथीलच संतोष बबन कदम (वय 45) हे जुगार घेताना आढळून आले. त्यांच्याकडून 590 रुपये रोख व जुगाराचे साहित्य हस्तगत करण्यात आले.
पोवई नाका येथील पान टपरीच्या आडोशाला सचिन साहेबराव निकम (वय 82, रा. सोमवार पेठ, सातारा), शाहरुख काझी (रा. कोरेगाव) यांच्याकडून 7 हजार 500 रुपये रोख व जुगाराचे साहित्य हस्तगत करण्यात आले.