पाटण : अल्पवयीन मुलींवरील अत्याचारांच्या घटनांनी पाटण तालुका हादरला आहे. गत महिन्यापूर्वी मुलीवरील अत्याचाराची घटना उघडकीस आली होती. त्यानंतर लगेचच कोयना परिसरातील पंधरा वर्षीय मुलीवर अत्याचाराची घटना उघडकीस आल्यामुळे जनतेमधून तीव्र संताप व्यक्त होत आहे. पीडीत मुलगीही नऊ महिन्याची गर्भवती असून याबाबत कोयना पोलीस ठाण्यात अल्पवयीन युवकावर गुन्हा नोंद करण्यात आला आहे.

याबाबत पोलिसांनी दिलेली माहिती अशी, कोयना परिसरातील एका गावातील पंधरा वर्षीय युवतीवरती अल्पवयीन युवकांने अत्याचार केला. सदर अत्याचारानंतर पीडिता युवती नऊ महिन्यांची गरोदर आहे. सदर घटना कुटुंबीयांच्या लक्षात आल्यानंतर मुलीच्या कुटुंबीयांनी कोयना पोलीस स्टेशनला गुन्हा नोंद केला. त्यांनंतर कोयना पोलीसांनी अल्पवयीन संशयिताला ताब्यात घेतले आहे.

पोक्सो अंतर्गत  युवकावरती गुन्हा दाखल करण्यात आला आहे. परंतु, आरोपी हा अल्पवयीन असल्याने आरोपीची बालसुधारगृहात रवानगी करण्यात आली आहे. या घटनेनंतर कोयना परिसर हदरून गेला असून पाटण तालुक्यातील गुन्हेगारी च्या बाबत पुन्हा एकदा लोकांच्या चर्चेला उधान आले. पूढील तपास कोयनानगर पोलीस स्टेशनचे पोलीस उपनिरीक्षक गायकवाड हे करत आहेत.