सातारा : हरियाणा पंचकूला येथे सुरू असलेल्या खेलो इंडिया स्पर्धामध्ये सुदेष्णा शिवणकर हिने 100 मीटर धावणे या क्रीडा प्रकारात सुवर्णपदक तसेच चार बाय 100 रिले प्रकारातही  आणि 200 मीटर धावणे या क्रीडा प्रकारात ही तिने सुवर्णपदक मिळवून 24:29 सेकंद अशी वेळ नोंदवून एकाच स्पर्धेतील सुवर्णपदकांची हॅट्ट्रिक यशस्वी पूर्ण करत सातारा जिल्ह्याच्या नावलौकिकात भर घालत कौतुकास्पद कामगिरी केली आहे. 

हरियाणा पंचकूला येथे सुरू असलेल्या खेलो इंडिया स्पर्धामध्ये सुदेष्णा शिवणकर हिने 100 मीटर धावणे या क्रीडा प्रकारात सुवर्णपदक मिळवून यश संपादन केलेले आहे. तिने 100 मीटर धावणे या प्रकारात स्वतःची वैयक्तिक कामगिरीतील सर्वोच्च 11:79 सेकंद अशी सर्वोत्कृष्ट वेळ नोंदवलेली आहे. तसेच चार बाय 100 रिले प्रकारातही तिला सुवर्णपदक मिळाले आहे. 200 मीटर धावणे या क्रीडा प्रकारात ही तिने सुवर्णपदक मिळवून 24:29 सेकंद अशी वेळ नोंदवून एकाच स्पर्धेतील सुवर्णपदकांची हॅट्ट्रिक यशस्वी पूर्ण केलेली आहे. 200 मीटर धावताना तिने मागिल वर्षाची वेगवान धावपट्टू अवंतिका नराळे हिला मागे टाकले अवंतिका 24:75 अशी वेळ देवून दुसऱ्या क्रमांकावर राहिली. 

महाराष्ट्रासाठी खेळताना जावली एक्सप्रेस सुदेष्णाने दाखवलेले प्रोत्साहन आणि घेतलेली मेहनत यामुळे देशपातळीवर महाराष्ट्राचे सातारा जिल्ह्याचे आणि खर्शी गावचे नाव उज्ज्वल करण्याचा प्रयत्न केलेला आहे. तिच्या यशामागे खंबीरपणे उभे राहणारे तिचे गुरु बळवंत बाबर हे तिच्यासाठी अपार मेहनत घेत आहेत. तिला आंतरराष्ट्रीय खेळाडू बनवण्याचे स्वप्न मनाशी बाळगून त्याच पद्धतीने तिचा सराव घेत आहेत. सुदेष्णा आता आंतरराष्ट्रीय खेळाडू म्हणून उदयास येऊ शकते अशी कामगिरी तिच्या हातून घडत असून सातारकर तसेच क्रीडाप्रेमींमधून सुदेष्णावर अभिनंदनाचा वर्षाव होत आहे.