सातारा : शुक्रवारी जिल्ह्यात 169 जण बाधित निष्पन्न झाले. तसेच 3 बाधितांचा मृत्यू झाला असून 94 नागरिकांना डिस्चार्ज देण्यात आला आहे. दरम्यान, 294 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
जिल्ह्यात 169 बाधित निष्पन्न झाल्याने एकूण बाधितांचा आकडा 50 हजार 924 वर पोहोचला आहे. तसेच 3 बाधितांचा उपचारादरम्यान मृत्यू झाल्याने जिल्ह्यातील एकूण कोरोनाबळींची संख्या 1 हजार 706 वर पोहोचली आहे. दरम्यान जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 94 नागरिकांना कोरोनातून खडखडीत बरे झाल्याने घरी सोडण्यात आले. त्यामुळे जिल्ह्यातील कोरोनामुक्तांची संख्या 48 हजार 172 वर पोहोचली असून 294 जणांचे नमुने तपासणीसाठी पाठविण्यात आले असल्याचीही माहिती जिल्हा शल्यचिकित्सक डॉ. सुभाष चव्हाण यांनी दिली.
3 बाधितांचा मृत्यू
जिल्ह्यातील विविध खासगी हॉस्पीटलमध्ये पुसेगाव ता. खटाव येथील 82 पुरुष, कंकातरे मायणी ता. खटाव येथील 65 वर्षीय महिला, विखळे ता. खटाव येथील 70 वर्षीय महिला अशा एकूण 3 कोविड बाधितांचा  उपचारादरम्यान मृत्यू झाला आहे, असेही डॉ. चव्हाण यांनी कळविले आहे. 
294 जणांचे नमुने पाठविले तपासणीला
स्व. क्रांतीसिंह नाना पाटील सर्वसाधारण रुग्णालय सातारा येथील 12, कराड येथील 21, फलटण येथील 20, कोरेगाव येथील 12, वाई येथील 13, खंडाळा येथील 31, रायगाव येथील 7, पानमळेवाडी येथील 2, महाबळेश्वर येथील 5, दहिवडी 21, खावली 59, तळमावले 7, म्हसवड 11, तरडगाव 25 व कृष्णा मेडीकल कॉलेज कराड येथील 48 असे एकूण 294 जणांचे नमुने तपासणीला पाठविण्यात आले आहे, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.