सातारा : सुरुर, ता. वाई गावच्या हद्दीत झालेल्या अपघातात मृत्यूस कारणीभूत ठरल्याप्रकरणी भुईंज पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, दि. 26 फेब्रुवारी रोजी दीड वा. सुमारास सुरुर गावच्या हद्दीत महामार्गावर आकाश अशोक भोसले (वय 21, रा. शिरगाव, ता. वाई), विश्‍वजित रुद्राक्ष साळुंखे (रा. भुईंज, ता. वाई) हे दोघे कंपनीतून काम झाल्यानंतर दुचाकी क्र. एमएच 11 सीवाय-9602 वरुन जात असताना सुरुर, ता. वाई गावच्या हद्दीत महामार्गावर दुचाकी घसरुन डिव्हायडरला धडकून दोघांचा अपघात झाला. या अपघातात दोघेही जखमी झाले. त्यामध्ये विश्‍वजित साळुंखे यांच्यावर जिल्हा रुग्णालयात उपचार सुरु असता त्यांचा मृत्यू झाल्याने त्याबाबतची तक्रार भुईंज पोलीस ठाण्यात दाखल केली होती.