सातारा : विद्येचे माहेरघर म्हणून परिचित असणाऱ्या सैदापूर विद्यानगर भागात असंख्य चालणाऱ्या कॅफेवर आज अचानकपणे कराड पोलिसांनी छापे मारले. या छाप्यात 30 युवक युवतींना ताब्यात घेतले आहे. त्यांना पोलीस ठाण्यात आणण्यात आले. 
सैदापूर विद्यानगर येथे चालणाऱ्या कॅफेच्या माध्यमातून अनेक गैरप्रकार चालत असल्याच्या तक्रारी नागरिकांच्या मधून बोलल्या जात होत्या. कॅफेवर अचानकपणे पोलिसांनी मारलेल्या छाप्यामुळे कॅफे चालवणाऱ्या व्यवसायिकाच्यात मोठी खळबळ उडाली आहे. सातारा जिल्ह्यात चालणाऱ्या कॅफे विषयी जिल्हाधिकाऱ्यांनी मागच्या एक महिन्यापूर्वी नोटीस देखील काढल्या होत्या. त्या नोटीसीद्वारे कॅफे कसे चालवावे याविषयी निकष नियम देण्यात आले होते. पोलिसांनी केलेल्या अचानक कारवाईमुळे कराड तालुका पोलीस ठाण्याच्या बाहेर कॅफे चालकांची गर्दी दिसून आली.