फलटण : फलटण तालुक्यात विकासकामांची गंगा पोहोचवत तालुक्यातील रस्त्यांसाठी 29.50 कोटींचा निधी मंजूर करण्यात आला आहे. याबाबत खासदार रणजितसिंह नाईक निंबाळकर यांनी पाठपुरावा केला होता.
फलटण तालुक्यातील रस्त्यांची अवस्था अत्यंत खराब असल्याने महाराष्ट्राचे मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडे सातत्याने पाठपुरावा करून फलटण तालुक्यातील रस्त्यांसाठी अर्थसंकल्पामध्ये विविध योजनांच्या माध्यमातून 30/ 54, 25 /15 नागरी सुविधा, जन सुविधा, क वर्ग तीर्थक्षेत्र, 50/ 54 या योजनेमधून खालील गावांना निधी उपलब्ध करून देण्यात आला आहे. तसेच राज्याच्या अर्थ संकल्पामध्ये १) फलटण शिंगणापूर म्हसवड शेनवडी ते शिंगणापूर घाट संरक्षण भिंत व रस्ता सुधारणा करणे ४ कोटी २) गिरवी नाकाते विंचुर्णी २.५० कोटी ३) ताथवडा ते मानेवाडी फाटा  ४ कोटी  ४) दर्याची वाडी ते बोडकेवाडी रस्ता सुधारणा करणे ४ कोटी ५) तरडफ सपकाळ वस्ती ते उपळवे ३ कोटी ६) गिरवी ते मांडवखडक २.५० कोटी  ७) विडणी गावाजवळ कॅनल वर नवीन फुलाचे बांधकाम करणे ५ कोटी असे एकूण २५  कोटी ची कामे अर्थसंकल्पामध्ये मंजूर झाली तसेच ‌३०/५४ या योजनेअंतर्गत १२२.१२ लक्ष , ५०/५४ या योजने अंतर्गत १ कोटी, जनसुविधा अंतर्गत ८७  लाख, नागरी सुविधा ४५ लाख, क वर्ग तिर्थक्षेत्र योजनेस २५ लाख, साकव साठी ४० लाख,  अशी २९ .५० कोटी ची कामे मंजूर करण्यात आली आहेत. त्यामुळे या तालुक्यातील दळणवळण सुलभ होण्यास मदत होईल.   तालुक्यातील कोणतेही गाव आता डांबरी विना राहाणार नाही. तालुक्याचा सर्वांगिण विकासासाठी आवश्यक ती मदत तालुक्यातील जनतेला करणार आहे, असे खासदार रणजितसिंह नाईक निंबाळकर यांनी सांगितले आहे.