सातारा : अभिनेते प्रशांत दामले यांची अखिल भारतीय नाट्य परिषदेच्या अध्यक्षपदी निवड झाल्याबद्दल  सातारा रंगकर्मींच्या वतीने त्यांचा शाल, श्रीफळ, पुष्पगुच्छ आणि सातारी कंदी पेढ्यांचा हार घालून सत्कार करण्यात आला.

खराखुरा रंगकर्मी आज अध्यक्ष पदावर विराजमान झालाय, अशी भावना समस्त सातारकर रंगकर्मींची किंबहुना महाराष्ट्रातील समस्त रंगकर्मींचीच झाल्याचे मत रंगकर्मींच्यावतीने माजी नगरसेवक व रंगकर्मी कल्याण राक्षे यांनी व्यक्त केले.  

साताऱ्यातील बऱ्याच जुन्या जाणत्या तसेच आजच्या घडीच्या कार्यरत रंगकर्मींना सभासदत्व का नाही मिळत किंवा त्या बाबतीत नेमकं काय आहे याचीही माहिती मी लवकरच घेईन, तसेच लवकरच सातारला खास भेट देऊन इथल्या रंगकर्मींच्या समस्या ऐकून घेऊन त्याचं निरसन करण्याचा मी नक्की प्रयत्न करीन, रंगकर्मींच्या समस्या सोडविण्यासाठी मी कटीबद्ध आहे. त्यामुळे तुम्ही निर्धास्त रहा, असं आश्वासन यावेळी प्रशांत दामले यांनी उपस्थित रंगकर्मींना दिले. 

साताऱ्यात एका लग्नाची पुढची गोष्ट या नाट्य प्रयोगासाठी प्रशांत दामले उपस्थित होते.  हेच औचित्य साधून सातारा रंगकर्मींनी या सत्काराचं आयोजन केलं.

यावेळी कल्याण राक्षे, रवींद्र डांगे, प्रकाश बोधे, आनंद कदम, नितीन देशमाने, बाळकृष्ण शिंदे, संदीप जंगम, धैर्यशील उतेकर, जितेंद्र खाडिलकर, प्रसाद नारकर, प्रवीण यादव, पंकज काळे, दीपक देशमुख, हेरंब जोशी, राजेश मोरे, कुलदीप मोहिते, ओंकार पाठक, अभिषेक परदेशी, अभिजित पवार, निल केळकर, किरण पवार, अजित पाटणकर, मनोज जाधव, मोहन गायकवाड आदी रंगकर्मी उपस्थित होते.