05:55pm | Dec 24, 2020 |
वाई : बनावट सीमकार्ड व फेसबुक अकाऊंटद्वारे मुली व महिलांशी ओळख तयार करून त्यांचे प्रोफाईलवर असलेले फोटो अश्लील पद्धतीत तयार करुन ते सोशल मीडियावर टाकणार्याच्या मुसक्या आज वाई गुन्हे प्रकटीकरण विभागाच्या पथकाने आवळल्या. त्याला वाई न्यायालयात हजर केले असता दि.25 डिसेंबरपर्यंत पोलिस कोठडी सुनावण्यात आली आहे.
याबाबत पोलिसांकडून मिळालेली माहिती अशी की, फेसबुकच्या माध्यमातून स्वत:चे बनावट अकाऊंट काढून मुली व महिलांची सोशल मीडियावर बदनामी केली जात होती. अशाच पद्धतीने दि.25 जानेवारी ते दि.30 जानेवारी दरम्यान एका मुलीस बनावट फेसबुक अकाउंट वरुन प्रथम तिच्याशी फेसबुक मेसेंजर ऍपवर चॅटिंग करण्यात आले. चॅटिंग करताना तिचा विश्वास संपादन करुन तिच्याकडून तिचा व्हॉटसऍॅप नंबर घेण्यात आला. यानंतर संबंधित मुलीचे तिच्या फेसबुकवरील फोटो डाऊनलोड करुन त्या फोटोमधील तिच्या चेहर्याचा वापर करुन अश्लिल फोटो तयार करण्यात आलेे. यानंतर ते फोटो तिला तिच्या व्हॉटसऍॅप पाठविले तसेच बनावट फेसबुक अकांउंटवरही अपलोड केले गेले होते. याबाबतची माहिती होताच संबंधित मुलीने वाई पोलिस ठाण्यात तक्रार दाखल केल्यानंतर अज्ञाताविरोधात गुन्हा नोंद करण्यात आलेला आहे.
या गुन्हाच्या तपासकामी पो.नि.आनंदराव खोबरे यांच्या सूचनांनुसार गुन्हे प्रकटीकरण विभागाचे कर्मचारी यांनी अज्ञात आरोपीचा तांत्रिक पध्दतीने व बातमीदारामार्फत तपास केला असता या गुन्ह्यातील आरोपी प्रवीण रेमजे (मूळ रा. रेमसेवाडी, ता. संगमेश्वर जि. रत्नागिरी, हल्ली रा. जनता वसाहत, पर्वती पायथा, पुणे) याने आकाश मनोहर खरात (रा.केसापूरी वडवनी, ता. जि. बीड) याच्या नावावर असलेल्या सिमकार्डचा वापर करुन बनावट फेसबुक अकाउंट उघडले असून त्या मोबाईल नंबरद्वारे रेमजे याने वाशी, रत्नागीरी, वाई येथील मुली व महिलांशी फेसबुकवर बनावट अकाउंट उघडून चॅटिंग केले असल्याचे निष्पन्न झाले. मात्र, संशयिताचे सर्व मोबाईल बंद लागत होते व त्याच्या सध्याच्या ठावठिकाणाची माहिती प्राप्त होत नव्हती.
पो.नि. आनंदराव खोबरे यांना आज खास बातमीदारामार्फत बातमी मिळाल्यानुसार संशयित प्रविण रेमजे याला सापळा रचून खानदेशी हॉटेल, सिंहगड रोड, पुणे येथून अटक करण्यात आली. रेमजे याच्याकडे विचारपूस केली असता त्याने सुमारे 2 वर्षापूर्वी पुणे येथील एका हॉटेलमध्ये वेटर म्हणून काम करताना त्याचा साथीदार आकाश खरात याचे कार्ड त्याला सापडले होते. त्या सीम कार्डचा वापर करुन त्याने महिलांशी बनावट फेसबुक अकाउंटद्वारे ओळख वाढवून त्यांचे फेसबुकवरील फोटो मॉफींग करुन त्यांचे अश्लील फोटो व्हॉटस् ऍप व फेसबुकवर अपलोड केले असल्याचे कबूल केले आहे.
रेमजे यास वाई न्यायालयात हजर केले असता न्यायालयाने रेमजे यास दि.25 डिसेंबरपर्यंत पोलीस कोठडी दिली आहे. या संशयिताने अशाच प्रकारे विविध ठिकाणी गुन्हे केले असून त्याच्याविरुध्द वाशी, नवी मुंबई, रत्नागीरी जिल्ह्यात तक्रारी दाखल असल्याचे समजून आलेले आहे.
या कारवाईत पोलिस अधीक्षक अजयकुमार बन्सल, अपर पोलीस अधीक्षक धीरज पाटील, उप विभागीय पोलीस अधिकारी शितल जानवे-खराडे यांच्या मार्गदर्शनाखाली पो.नि. आनंदराव खोबरे यांचे मार्गदर्शन व सुचनांप्रमाणे सहाय्यक पोलीस उपनिरीक्षक विजय शिर्के, कृप्णराज पवार, पो.ना.प्रशांत शिंदे, पो.कॉ.सोमनाथ बल्लाळ, किरण निंबाळकर, श्रावण राठोड, अक्षय नेवसे यांनी सहभाग घेतला होता.
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
वाहनावर विनापरवाना स्पिकर लावल्याप्रकरणी एकावर कारवाई |
सातारा लोकसभेसाठी एकूण १६ उमेदवार रिंगणात |
उमेदवारांच्या निवडणुक खर्चाची नोंदवही तपासण्याचे वेळापत्रक जाहीर ; जिल्हा निवडणूक निर्णय अधिकारी डुडी |
छत्रपती संभाजी महाराज शासकीय वैद्यकीय महाविद्यालय व रुग्णालयतर्फे विविध आरोग्यविषयक उपक्रमांचे आयोजन |
प्लास्टिक पाईपने बेदम मारहाण करून युवकाचा केला निर्घृण खून |