कोव्हीड 19 जागतिक महामारीमुळे पूर्वी कधीच पाहिल्या नाहीत, ऐकल्या नाहीत व अनुभवल्या नाहीत अशा गोष्टी आपल्या नित्याचाच एक भाग बनून राहिल्या आहेत. असे एकही क्षेत्र राहिले नाही ज्याला या महामारीचा फटका बसला नाही. पण सर्व शिक्षक बंधुभगिनींच्या माध्यमातून व शिक्षण विभागाच्या मार्गदर्शनानुसार विविध प्रयत्नांनी विद्यार्थ्यांना शिक्षण दिले जात आहे. खडू, फळा यामध्ये अडकलेल्या शिक्षणाला डिजीटल तंत्रज्ञानाने कितीतरी चांगले बदल देखील घडून आले आहेत.
स्मार्ट शिक्षण देणारे शिक्षक व विद्यार्थी हळूहळू यात रमू लागले. आलेल्या संकटांचा सामना करण्याची धिटाई त्यांच्यात आली. मान्य आहे ऑनलाईन शिक्षणास मर्यादा आहेत. तो प्रत्यक्ष वर्गात विद्यार्थ्यांच्यात रममान होऊन शिकवणार्या गुरुजनांसाठी पर्याय ठरत नाही पण सामाजिक अंतर राखत विद्याथ्यांच्या जिविताचे रक्षण करून त्यास शिक्षण प्रवाहात अखंड ठेवण्यासाठी असे प्रयोग करणे गरजेचे आहे. सामाजिक अंतर राखताना विद्यार्थ्यांच्या हदयातील शिक्षकाचे अंतर कमी होऊ नये यासाठी ऑनलाईन शिक्षण सध्या तरी योग्य पर्याय ठरत आहे.
ऑनलाईन शिक्षणादरम्यान पालकांची जबाबदारी फारच वाढली आहे. प्रथम पालकांनी ऑनलाईन शिक्षण ही संकल्पना समजून घेऊन आपल्या पाल्याचे मनोबल वाढवणे गरजेचे आहे. केवळ स्मार्ट फोन नाही म्हणून त्यास नाराज होऊ देऊ नका त्याला अन्य पर्यायांची ओळख करून द्या. जसे की रेडीओ, टी.व्ही., वृत्तपत्रे, साधे फोन इत्यादी आपण त्याच्या शिक्षकांना अधूनमधून फोन करून आपल्या पाल्यांच्या शंकाचे निरसण करू शकतो. त्यासाठी आपले शिक्षक मित्र सदैव तयार आहेत.
नेटवर्कची समस्या असल्यास आपण नेट जेथे उपलब्ध आहे तेथून ऑफलाईन व्हीडीओ, ऑडीओ डाऊनलोड करून वेळ मिळेल तसा त्यास दाखवू शकता ऐकवू शकता. अनेक विषय तज्ञांचे व्हीडीओ, ऑडीओ गुगलवर उपलब्ध आहेत. पालक म्हणून आपण या पर्यायांची माहीती करून आपल्या पाल्यास शिक्षण प्रवाहात ठेवा. ज्यावेळी त्याच्या हातात स्मार्टफोन असेल त्यावेळी बारकाईने लक्ष ठेवा. त्यांना चुकीच्या गोष्टी पाहण्यास व डाऊनलोड करण्यास प्रतिबंध करा. त्याच्या मोबाईल हाताळण्याची पद्धतीत योग्य तो बदल घडवा. त्याचे डोळे व कान सुरक्षित राहतील असे सेटींग त्यास समजून द्या अथवा आपण करून द्या. कोणत्याही विद्यार्थ्याचे शैक्षणिक नुकसान होणार नाही यासाठी शिक्षण विभाग सतर्क आहे विविध प्रयोग व माध्यमांचा वापर करून विद्यार्थी शिक्षण प्रवाहात राहण्याचा व त्यास दर्जेदार शिक्षण देण्याचा सतत सातत्याने प्रयत्न चालू आहे. त्यामुळे पालक म्हणून आपण आपल्या मुलाच्या शिक्षणाबाबत भीती बाळगू नये असे वाटते.
सध्या आपली मुले घरात आहेत त्यांना शिक्षणाबरोबर संस्काराचे धडे द्या. त्यांचे आरोग्य जपा, योगाचे तसेच व्यायामाचे महत्व समजावून द्या, त्यांच्या भावना समजून घ्या, त्यास आनंदी ठेवा, त्यास वाचनाची गोडी लावा, घरात एखादे वृत्तपत्र सुरु करा, चांगल्या बातम्यांचे संकलन करण्यास प्रवृत्त व प्रोत्साहित करा, अनंत संकटे आली तरी त्या संकटावर मात करून यशस्वी झालेल्या व्यक्तीमत्वाची ओळख करून द्या, संगीत, नृत्य, वाचन व वादन यासारख्या कला आयुष्य आनंदी ठेवण्यास उपयुक्त ठरतात.
आपल्या पाल्यातील सुप्त गुण ओळखून त्यांची जोपासन करा. थोडक्यात ऑनलाईन शिक्षणाबरोबर आपला पाल्य आनंदी व सुरक्षित ठेवणे हे महत्वाचे आहे. संकटे तर येतच राहणार पण येणार्या संकटावर मात करून आपण पुढे जाणे गरजेचे आहे. आपल्या पाल्याचे मानसिक आरोग्य जपून त्याच्या अंगी प्रामाणिकपणा व स्वयंअध्ययनाची सवय निर्माण होण्यास शिक्षकांबरोबर पालक म्हणून आपली जबाबदारी देखील महत्वाची आहे. अखंड सावधानता ही काळाची गरज आहे.
मनात नेहमी जिंकण्याची आशा ठेवा कारण नशीब बदलो अथवा न बदलो पण वेळ नक्कीच बदलते. आवड व विश्वास असल्यास अवघड कोणतीच गोष्ट नाही. सुखाचा शोध घेण्यासाठी जीवन हरवण्या पेक्षा जीवनात हरवून कर्तव्यात गढून जावून जीवनाचा खरा आनंद घेऊया. आलेले संकट लवकरच दूर होऊन पुन्हा एकदा सारी बालके शाळामाऊलीच्या प्रांगणात बागडतील, रमतील व शिकतील अशी आशा करूया तो पर्यंत शिक्षक व पालक आपण दोघेही शिक्षणदूत म्हणून कार्यरत राहूया.
लेखन : मोहनराव पो. गुरव
श्री हनुमानगिरी हायस्कूल, पुसेगाव
शब्दांकन : प्रकाश राजेघाटगे,बुध
अल्पवयीन मुलीचे अपहरण |
महायुतीच्या रॅलीदरम्यान चोरट्यांची हाथ की सफाई |
सातारा पोलीस मुख्यालयात उपनिरीक्षकाला धमकी |
बिग बॉस फेम अभिजीत बिचुकले यांचा अर्ज दाखल |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
ट्रकच्या धडकेत दुचाकीस्वाराचा मृत्यू |
राजवाडा परिसरातून सव्वा लाखांच्या सोन्याच्या चैनची चोरी |
मारहाण प्रकरणी चौघांवर गुन्हा |
ट्रक चालकाला लुटल्याप्रकरणी तीन अज्ञातांवर गुन्हा |
महिलेचा विनयभंग केल्याप्रकरणी एकावर गुन्हा |