सातारा : अपघातात चारजणांना जखमी केल्याप्रकरणी टँकर चालकावर खंडाळा पोलीस ठाण्यात गुन्हा नोंद करण्यात आला आहे.
याबाबत पोलिसांनी दिलेली माहिती अशी, दिनांक 27 नोव्हेंबर रोजी रात्री साडेदहा वाजण्याच्या सुमारास नौशाद फारूक अली वय 28 राहणार राजाफतेपुर, मोहनगंज टिलॉय, जि. अमेठी, उत्तर प्रदेश याने त्याच्या ताब्यातील टँकर क्रमांक एम एच 46 एएफ 4226 हा हयगयीने, अविचाराने, रस्त्याच्या परिस्थितीकडे दुर्लक्ष करून चालवून सुरज कृष्णबाबू थापा वय 35, रा. घोरपडी गाव, ता. पुणे, जि. पुणे यांच्या चारचाकी गाडीस खंडाळा गावच्या हद्दीतील बेंगलोर ते पुणे जाणाऱ्या महामार्गावर असणाऱ्या कॅनाॅल जवळ पाठीमागून जोराची धडक देऊन अपघात करून अपघातात पिंकी थापा, लीना थापा, बहादुर थापा, गाजली थापा या चौघांना जखमी केल्याप्रकरणी खंडाळा पोलीस ठाण्यात गुन्हा नोंद करण्यात आला आहे.