09:41pm | Aug 11, 2021 |
कराड : कराड नगरपालिकेच्या विशेष सभेत पालिकेतील पदाधिकारी व सदस्यांचे मानधन, भत्ते करोना उपाययोजनांसाठी पालिकेच्या फंडात वर्ग करण्याचा विषय मंजूर असताना नगराध्यक्षा रोहिणी शिंदे यांनी प्रोसिडींगमध्ये बदल करुन मानधन हा शब्द वगळला आणि स्वतःचा आर्थिक लाभ करुन भ्रष्टाचार केल्याचा आरोप लोकशाही आघाडीचे गटनेते सौरभ पाटील यांनी केला आहे.
भ्रष्टाचाराची माहिती देण्यासाठी आयोजित केलेल्या पत्रकार परिषदेत ते बोलत होते. यावेळी लोकशाही आघाडीचे अध्यक्ष सुभाषराव पाटील, नगरसेवक मोहसीन आंबेकरी, पल्लवी पवार व मान्यवर उपस्थित होते.
सौरभ पाटील म्हणाले, कराड नगरपालिकेची 15 मे 2020 रोजी विशेष सभा झाली होती. त्या सभेत शहरात वाढलेला कोरोना प्रादुर्भाव रोखण्यासाठी करावयाच्या उपाययोजनांबाबत सविस्तर चर्चा झाली. यावेळी होणार्या खर्चामध्ये पालिकेच्या पदाधिकारी, सदस्यांनी खारीचा वाटा उचलावा, असे सर्वानुमते ठरवण्यात आले. त्यानुसार एप्रिल 2020 पासून हा पंचवार्षिक कालावधी संपेपर्यत पालिकेचे पदाधिकारी, सदस्य यांचे मानधन व भत्ते पालिकेच्या जनरल फंडात वर्ग करण्याचा विषय एकमताने मंजूर करण्यात आला होता. त्या मिनिट बुकमध्ये नगराध्यक्षा यांची सही आहे. असे असतानाही नगराध्यक्ष यांनी स्वतःच्या आर्थिक फायद्यासाठी उपसूचनेतील इतर सर्व मुद्दे ठरावात घेऊन मानधन हा शब्द हेतुपरस्पर वगळून ठराव तयार करण्यात आला.
तसेच त्याप्रमाणे आपल्या अधिकाराचा वापर करुन जवळपास सहा महिन्यांनी प्रोसिडींग बनवले. यातून नगराध्यक्षा यांनी सुमारे अडीच लाख रुपयांचा अपहार केल्याचा आरोप गटनेते सौरभ पाटील यांनी केला आहे. असे कृत्य करुन नगराध्यक्ष रोहिणी शिंदे यांनी सभागृह व समस्त कराडकर नागरिकांचा विश्वासघात केला आहे. विश्वासाची परिस्थिती पालिकेत राहिली नाही. याबाबत जिल्हाधिकारी यांच्याकडे तक्रार दाखल करण्यात आली आहे. नगराध्यक्ष यांनी याबाबत सभागृह तसेच कराडकर नागरिकांची माफी मागावी, अशी मागणी सौरभ पाटील यांनी यावेळी केली.
दरम्यान, कराड शहर स्वच्छतेत जसे एक नंबर आहे, तसे ते भ्रष्टाचारातही एक नंबर असल्याचे हे उत्तम उदाहरण आहे. तर ठरावाची मूळ प्रत पालिका प्रशासनाकडे उपलब्ध नसल्याने सध्या पालिकेत विश्वासाची परिस्थिती राहिलेली नाही. त्यामुळे अध्यक्षांनी सन्मानपूर्वक मानधनाचे पैसे पालिकेत जमा करावेत, अशी मागणी जिल्हाधिकारी यांच्याकडे केल्याचे पाटील यांनी सांगितले.
प्रोसेडिंगमध्ये बदल करून स्वतःच्या स्वार्थासाठी भ्रष्टाचार केला असल्याचा आपला आरोप आहे. त्यास पालिका प्रशासन जबाबदार नाही का? या प्रश्नाला उत्तर देताताना सुभाषराव पाटील म्हणाले, भ्रष्टाचारास सर्वस्वी नगराध्यक्षा जबाबदार आहेत. ज्याची सही तोच जबाबदार असतो, असे पालिका प्रशासनाने प्रोसिडिंग लिहिताना काही बदल केले असतील तर नगराध्यक्षा यांनी मुख्याधिकारी यांच्यावर कारवाई करावी.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |