मेढा : सातारा जिल्ह्यात कोरोना हॉट स्पॉट ठरलेल्या जावली तालुक्यातील पुनवडी गावचे युवक कोरोना आजारातून मुक्त झालेले प्रशांत नारायण पार्टे यांनी आपले ओ पॉझिटिव्ह रक्त प्लाजमा दान केले. या ध्येयवेड्या युवकाचे कौतुकास्पद कार्य म्हणावे लागेल. 
आज दिवसभर तालुक्यातील अनेक व्हॉटस् अ‍ॅप ग्रुपवर करंजे (ता.जावळी) येथील श्री तुकाराम आनंदा धनावडे (तात्या) यांची मुलगी हिला ओ पॉझिटिव्ह रक्त असलेले प्लाजमाची अत्यंत गरज होती. अश्यावेळी प्रशांत पार्टे यांना प्लाजमा देणेस विनंती केली. या युवकाने कसलाही विचार न करता तातडीने प्लाजमा देणेस होकार देऊन प्लाजमा दान केला. या युवकामुळे आज एका कोविड पेशंटला प्लाजमा मिळाला. आज हा युवक जावळी तालुक्यातील पहिला प्लाजमा दान करणारा ठरला. त्याचे कौतुक करावे तेवढे कमीच आहे. अशा कठीण परिस्थिती पाहता लोकांनी एकमेकाना मदत करणे गरजेचे आहे. त्यामुळे या युवकाचे सध्या जावलीत कौतुक केले जात आहे.