सातारा : शाहूपुरी ग्रामपंचायत हद्दीतील रानमळा येथे एका विवाहितेच्या घरात घुसून तिचा विनयभंग केल्याप्रकरणी रोहित कुंभार (रा. करंजे पेठ, सातारा) याच्यावर शाहूपुरी पोलीस ठाण्यात गुन्हा दाखल करण्यात आला आहे. याबाबत पिडीत महिलेने तक्रार दिली असून रोहित कुंभार याने मोबाईलवरुन घाणेरेडे मेसेज केल्याचा जाब त्याला विचारला असता त्याने महिलेच्या घरात दारु पिवून घुसून तिला अश्लिल शिवीगाळ करत तिच्या मनात लज्जा उत्पन्न होईल असे कृत्य केल्याचे तक्रारीत म्हटले आहे. याबाबत पोलीस हवालदार घाडगे अधिक तपास करत आहेत.