सातारा : वाई शहरातील रहिवासी असलेला अर्जुन मोहन यादव (वय 25) याचा अज्ञात मारेकऱ्यांनी गोळ्या घालून दि. 2 रोजी खून केला होता. या घटनेमुळे सातारा शहरात खळबळ उडाली होती. या खुनाच्या घटनेनंतर संशयित आरोपी फरार झाले होते. अज्ञातांकडून हा गोळीबार झाल्याने त्यांचा शोध घेण्याचे मोठे आव्हान सातारा पोलिसांसमोर होते. मात्र, सातारा एलसीबीच्या पथकाने पुणे परिसरात केलेल्या धडाकेबाज छापेमारीत वाईच्या खून प्रकरणातील 3 अल्पवयीन फरार असलेला संशयित आरोपींना 24 तासाच्या आत ताब्यात घेतल्याने सातारा एलसीबीचे सर्व थरातून कौतुक होत आहे.

याबाबत अधिक माहिती अशी, वाई शहरातील रहिवासी असलेला अर्जुन मोहन यादव याचा अज्ञात मारेकऱ्यांनी गोळ्या घालून दि. 2 रोजी खुन केला होता. घटनेनंतर संशयित आरोपी फरार झाले होते. त्यांचा शोध घेण्यासाठी जिल्हा पोलीस प्रमुख अजय कुमार बंसल यांनी स्थानिक गुन्हे अन्वेषण विभागाचे सहाय्यक पोलीस निरीक्षक रमेश गर्जे, पोलीस उपनिरीक्षक पाटील, शरद बेबले, पोलीस नाईक नाईक फडतरे, विशाल पवार, सचिन ससाणे, रोहीत निकम, प्रमोद सावंत यांच्या पथकाला आरोपी शोधण्यासाठी पाचारण करण्यात आले होते.

या पथकाने सातारा जिल्ह्यातील भुईंज कोरेगाव पुसेगाव या ठिकाणी या धाडी टाकल्या होत्या. पण त्या ठिकाणी काहीच न सापडल्याने या पथकाने तपासाची दिशा बदलून मोर्चा पुण्याच्या दिशेने वळवला. पुणे येथे टाकलेल्या धाडीत 3 अल्पवयीन आरोपींना गजाआड करण्यात या पथकाला अखेर यश आले आहे इतर 2 आरोपींना लवकरच गजाआड करणार असलेचा विश्वास या पथकाने व्यक्त केला आहे.

सातारा येथील बॉम्बे रेस्टारॅट चौक परिसरातील नटराज मंदीरातुन देव दर्शन करुन बाहेर आल्यावर त्या ठिकाणी दुचाकी वरुन आलेल्या दोन अज्ञात तरुणांनी त्याच्या डोक्यात पिस्तूलच्या साह्याने जवळुन दोन गोळ्या झाटल्याने अर्जुन यादव हा गंभीर जखमी होऊन रक्ताच्या थारोळ्यात जमीनीवर कोसळला. मोठ्या प्रमाणात रक्तस्राव झाल्याने त्याचा जागीच मृत्यू झाल्याने संपूर्ण सातारा हादरला होता. या गंभीर घटनेची माहिती जिल्हा पोलीस प्रमुख अजय कुमार बंसल, अतिरिक्त जिल्हा पोलीस प्रमुख अजित बोऱ्हाडे एलसीबीचे पोलीस निरीक्षक किशोर धुमाळ व इतर पोलिसांनी घटना स्थळावर जाऊन परिस्थितीची पाहणी करून एलसीबीचे खास पथक तयार करुन आरोपींचा तातडीने शोध घेण्यासाठी रवाना करण्यात आले होते. या पथकाने तीन अल्पवयीन मुलांना ताब्यात घेतले आहे. त्यांच्याकडे चौकशी सुरु असून त्यानंतर त्यांनी हा खून का केला याचे कारण समोर येईल, असे पोलीस सुत्रांकडून सांगण्यात आले.