सातारा : जिल्ह्यात गुरुवारी 74 जण बाधित निष्पन्न झाले असून दोघा बाधितांचा उपचारादरम्यान मृत्यू झाला आहे. तसेच जिल्ह्यातील 101 नागरिकांना डिस्चार्ज देण्यात आला आहे. दरम्यान, 325 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
गुरुवारी जिल्ह्यात 74 बाधित निष्पन्न झाल्याने जिल्ह्यातील कोरोनाबाधितांची संख्या 57 हजार 825 वर पोहोचली आहे. तसेच दोघा बाधितांचा उपचारादरम्यान मृत्यू झाल्याने जिल्ह्यातील कोरोनाबळींची संख्या 1 हजार 845 वर पोहोचली आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 101 नागरिकांना कोरोनातून बरे झाल्याने घरी सोडण्यात आल्याने जिल्ह्यातील कोरोनामुक्तांची संख्या 55 हजार 16 वर पोहोचली असून 325 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
2 बाधिताचा मृत्यू
जिल्ह्यातील विविध खासगी हॉस्पीटलमध्ये वडूज ता. खटाव येथील 78 वर्षीय पुरुष, जकातवाडी ता. सातारा येथील 72 वर्षीय पुरुष  अशा एकूण 2 बाधितांचा उपचारादरम्यान मृत्यू झाला असल्याचेही डॉ. चव्हाण यांनी कळविले आहे.
325 जणांचे नमुने पाठविले तपासणीला
जिल्हा  रुग्णालय सातारा येथील 40, कराड येथील 60, वाई येथील 32, रायगाव येथील 30, पानमळेवाडी येथील 83, महाबळेश्वर येथील 35 व कृष्णा मेडीकल कॉलेज कराड येथील 45 असे एकुण 325 जणांचे नमुने तपासणीला पाठविण्यात आले आहेत, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.