सातारा : बनावट कागदपत्रे सादर केल्या प्रकरणी दोघांवर वडूज पोलीस ठाण्यात गुन्हा नोंद करण्यात आला आहे.
याबाबत पोलिसांनी दिलेली माहिती अशी, दिनांक ऑक्टोबर रोजी आनंदा शंकर मोरे राहणार शिवाजीनगर ता. कडेगाव जि. सांगली आणि संतोष पांडुरंग वेताळ सुर्ली, ता कराड यांनी सादर केलेल्या कागदपत्रांपैकी राजाचे कुर्ले ग्रामपंचायत येथील जावक क्रमांक 127/2020 व 128/2020 या क्रमांकाचे ना-हरकत दाखले तसेच या दाखल्यांवरील सर्व मजकूर, सह्या व शिक्के खोटे तसेच बनावट असून या दोन्ही दाखल्यांचा संबंधितांनी स्वतःच्या वैयक्तिक फायद्यासाठी गैरवापर केलेला आहे. याबाबतची फिर्याद समरजीत सयाजी राजेभोसले वय 39 यांनी वडूज पोलीस ठाण्यात नोंदवली असून पोलीस हवालदार ओंबासे अधिक तपास करीत आहेत.