सातारा : रिपब्लिक टीव्हीचे संपादक अर्नब गोस्वामी आणि बार्कचे अधिकारी पार्थो दासगुप्ता यांच्यातील व्हॉट्सअप चॅट मधून देशाच्या सुरक्षेसंबंधीची अत्यंत गोपनीय माहिती अर्नब गोस्वामीला मिळत होती व अर्नब गोस्वामी आपल्या चॅनलचा टीआरपी वाढविण्यासाठी या माहितीचा वापर करत होता. हे अत्यंत गंभीर असून हा राष्ट्रद्रोहच आहे. या प्रकरणी अर्नब गोस्वामीला तात्काळ अटक करावी यामागणीसाठी सातारा जिल्हा काँग्रेस कमिटीच्यावतीने काँग्रेस कमिटीसमोर निदर्शने करण्यात आली.

पुलवामा येथे सीआरपीएफ जवानांवर झालेल्या हल्ल्यानंतर पाकिस्तानातील बालाकोटवर भारताने हवाई हल्ला केला. ही कारवाई होण्याच्या तीन दिवस आधी याची माहिती अर्नब गोस्वामीला कशी मिळाली? त्याने अजून कोणाला ही माहिती दिली का? या प्रश्नांची उत्तरे मिळणे आवश्यक आहे. अर्नब गोस्वामी यांचे कृत्य हे कार्यालयीन गोपनीयतेचा भंग करणारे तर आहेच पण हा देशद्रोहाचा प्रकार आहे. त्यामुळे अर्नब गोस्वामी विरोधात कारवाई करावी या मागणीसाठी जिल्हा काँग्रेस कमिटीच्या वतीने निदर्शने करण्यात आली.

यावेळी जिल्हाध्यक्ष डॉ. सुरेश जाधव, युवक जिल्हाध्यक्ष विराज शिंदे, महिला जिल्हाध्यक्ष धनश्री महाडिक, मनोज तपासे, धर्यशील सुपले, प्रताप देशमुख, बाळासाहेब शिरसाट, वैशाली जाधव, अनवर पाशा खान, दत्तात्रय धनवडे, नरेश देसाई, प्रकाश फरांदे, जासमीन खान, गीता सूर्यवंशी,  प्रकाश फरांदे, विठ्ठल फणसे, रमेश फणसे, अमित जाधव, अभय कारंडे, सादिक खान, मालन परकळर आदी उपस्थित होते.