सातारा : शहराच्या ग्रामीण भागात म्हणजेच ढेबेवाडी जकातवाडी या भागांमध्ये मोकाट कुत्र्यांनी उच्छाद मांडला आहे त्यामुळे सदर कुत्रा पिसळल्यामुळे डबेवाडीतील रुपाली बबन माने (वय 23) या तरुणीचा मृत्यू झाला तर जकातवाडी येथील देवानंद गोरखनाथ लोंढे (वय 25) या बावीस वर्षाच्या तरूणास कुत्रा चावल्यामुळे त्याला साताऱ्यात उपचार न मिळाल्याने पुणे येथे उपचारादरम्यान मृत्युमुखी पडलेला आहे, अशा या भटक्या कुत्र्यांचा त्वरित बंदोबस्त पशुसंवर्धन विभागाच्या माध्यमातून करण्यात यावा. अन्यथा पशुसंवर्धन उपायुक्त परिहार यांना घेराव घालणार, अशी माहिती रिपब्लिकन ब्लू फोर्सचे किरण ओव्हाळ, तालुकाध्यक्ष दीपक गाडे, सघंटक भिकाजी सावंत यांनी दिली.
नगरपालिकेनेसुद्धा यामध्ये गंभीर दखल घेऊन भटक्या कुत्र्यांचा बंदोबस्त करावा, सदर बाजार परिसरात सुद्धा एका मुलीस आठ-दहा कुत्र्यांनी तागडलेली घटणा घडलेली बातमी कालपरवाची असतानासुद्धा या भटक्या कुत्र्यांवर ती कुठल्याही प्रकारच अंकुश ठेवला जात नाही. काही पशु प्रेमींनी व प्राणीमित्र संस्थेने यामध्ये आडवेतिडवे न येता या अशा भटक्या पिसाळलेल्या कुत्र्यांचा बंदोबस्त करण्यास प्रशासनाला सहकार्य करावे, त्यामध्ये सातारा नगरपालिकेने सुद्धा येथे सोनगाव कचरा डेपो असल्याने त्या भागात बोकाळलेल्या कुत्र्यांवर किंवा पिसाळलेल्या कुत्र्यानां लसीकरणाची मोहीम करून त्यांचा बंदोबस्त करावा, रिपब्लिकन पार्टी ऑफ इंडिया ए चे कार्यकर्ते पशुसंवर्धन उपायुक्त परिहार यांना घेराव घालणार आहेत. रिपब्लिकन पक्षाचे जिल्हा अध्यक्ष दादासाहेब ओव्हाळ यांच्या नेतृत्वाखाली तीव्र स्वरूपाचे आंदोलन छेडण्यात येईल.