बुध: महात्मा फुले कृषी विद्यापीठ राहूरी सलग्न शरद कृषी महाविद्यालय जैनापूर (ता. शिरोळ) येथील चतुर्थ वर्षाची विद्यार्थींनी कु.काजल राजेंद्र सस्ते हिने ‘ग्रामीण कृषी कार्यानुभव कार्यक्रम 2020 - 21’ अंतर्गत सासकल (ता. फलटण) येथील शेतकर्‍यांना शेती विषयक मार्केटिंग अ‍ॅप्सची माहिती दिली. 
मार्केट यार्ड ‘फार्मर्स-इ-मार्केट’ अशा शेती विषयक विविध मार्केटिंग अ‍ॅप्सची माहिती, त्याचे फायदे व त्याचा वापर कसा करावा याची शेतकर्‍यांना ओळख करून दिली. या अ‍ॅप्सव्दारे शेतकरी घरबसल्या अपल्या शेतमालाची ऑनलाइन पध्दतीने खरेदी-विक्री कशा प्रकारे करू शकतात. याची माहिती देवून सध्या स्थितीत या अ‍ॅप्सच्या वापराचे महत्व शेतकर्‍यांना पटवून देवून अ‍ॅप्सच्या वापराबाबत प्रवृत्त केले. 
या कृषी कन्येला संस्थेचे अध्यक्ष डॉ. राजेंद्र पाटील (यड्रावकर), कार्यकारी संचालक अनिल बागणे, प्राचार्य डॉ.एस.सी.पाटील, कार्यक्रम समन्वयक प्रा.एस.एच. फलके, कार्यक्रम अधिकारी प्रा.डॉ.एन.एस.पाटील आणि विषय तज्ञ प्रा.प्राची मोरे यांचे मार्गदर्शन लाभले आहे.