08:40pm | Sep 25, 2021 |
सातारा : पोलिसांकडून चांगल्या कामाची अपेक्षा करीत असताना त्यांना उत्तम पायाभूत सुविधा देणे ही शासनाची जबाबदारी असून सातारा पोलीस दलाच्या गरजा पूर्ण करण्यासाठी जिल्हा वार्षिक योजनेंतर्गत 10 कोटींचा वाढीव निधी देण्यात येईल, असे प्रतिपादन राज्याचे उपमुख्यमंत्री अजित पवार यांनी केले.
वडूज येथील पोलीस स्टेशनच्या नूतन इमारतीच्या उद्घाटन प्रसंगी ते बोलत होते. कार्यक्रमाला विधान परिषदेचे सभापती रामराजे नाईक-निंबाळकर, सहकार मंत्री तथा जिल्ह्याचे पालकमंत्री बाळासाहेब पाटील, गृह राज्यमंत्री शंभूराज देसाई, खासदार श्रनिवास पाटील, खासदार रणजितसिंह नाईक निंबाळकर, आमदार महेश शिंदे, जिल्हा परिषदेचे अध्यक्ष उदय कबुले, विशेष पोलीस महानिरीक्षक मनोजकुमार लोहिया, जिल्हाधिकारी शेखर सिंह, जिल्हा परिषदेचे मुख्य कार्यकारी अधिकारी विनय गौडा, पोलीस अधीक्षक अजयकुमार बन्सल, अप्पर पोलीस अधिक्षक अजित बोराडे, जिल्हा परिषदेचे उपाध्यक्ष प्रदिप विधाते, शिक्षण सभापती मानसिंग जगदाळे, आपत्ती व्यवस्थापन समिती सदस्य प्रभाकर देशमुख, सुनील माने आदी उपस्थित होते.
पवार म्हणाले, पोलीसांवर येणारा ताण लक्षात घेता पोलीस भरतीला परवानगी देण्यात आली आहे. पोलीसांचे प्रश्न सोडविण्याकडे विशेष लक्ष देण्यात येत आहे. पोलीसांनी 'स्मार्ट पोलीसिंग' च्या माध्यमातून जनतेच्या मनात विश्वासाचे वातावरण निर्माण करावे. गुन्ह्यांचा वेगाने तपास, त्यातील अचूकता, नव्या तंत्रज्ञानाचा वापर, पायाभूत सुविधांचा क्षमतेने वापर, पोलीस पाटलांशी संवाद वाढविणे या माध्यमातून आपली चांगली प्रतिमा निर्माण करावी. पोलीस स्टेशनचे मानांकन निश्चित करावे.
पोलिसांनी आव्हान म्हणून जबाबदारी स्विकारताना गुन्हेगारी प्रवृत्तीकडून जनतेला त्रास होणार नाही याची दक्षता घ्यावी आणि संघटित गुन्हेगारी मोडीत काढावी. जिल्ह्यातील कायदा व सुव्यवस्थेकडे विशेष लक्ष द्यावे. गुन्हेगारांना पोलीसांचा वचक वाटेल आणि सामान्यांना आधार वाटेल नागरिक विश्वासाने पोलीस स्टेशनला येतील आणि समाधाने परत जातील अशी कामगिरी पोलीस दलांनी करावी, अशी अपेक्षा त्यांनी व्यक्त केली.
महिलांच्या सुरक्षेला सर्वोच्च प्राधान्य
शासन महिलांच्या सुरक्षेला सर्वोच्च प्राधान्य देत असून महिलांवरील अत्याचाराच्या घटना ही चिंतेची बाब आहे समाज म्हणूनदेखील ही बाब योग्य नाही. गुन्हेगारांना कडक शिक्षा व्हावी असे प्रयत्न करण्यात येत आहेत. नागपूर अधिवेशनात 'शक्ती' कायदा आणण्याचा शासनाचा प्रयत्न असेल. नागरिकांनी याबाबत असलेल्या सूचना लोकप्रतिनिधींच्या माध्यमातून शासनापर्यंत पोहचाव्यात, महिलांविषयी आदर आणि समानतेची भावना निर्माण होण्यावर भर द्यावा आणि त्याची सुरुवात घरापासून करावी असे आवाहन उपमुख्यमंत्री पवार यांनी केले.
पालकमंत्री पाटील म्हणाले, वडूज मधील विकास होत असताना लोकसंख्यादेखील वाढत आहे. या परिसराची शांततेसाठी ख्याती आहे. सुरक्षेच्यादृष्टीने चांगले वातावरण निर्माण व्हावे म्हणून पोलीस स्टेशनमधील नूतन इमातीमधील सुविधा उपयुक्त ठरतील. सातारा सैनिक स्कूल साठीदेखील 300 कोटीची तरतूद करण्यात आली असून जिल्ह्याच्या सर्वांगिण विकासासाठी आवश्यक कामे हाती घेतली जातील.
गृहराज्यमंत्री देसाई म्हणाले, पोलीस स्टेशनच्या बऱ्याच इमारती ब्रिटीशकालीन असल्याने त्यांचे नूतनीकरण आवश्यक आहे. शासनाने गेल्या दोन वर्षापासून पोलीस गृह निर्माण विभागाला त्यासाठी वाढीव तरतूद उपलब्ध करून दिली आहे. कोविड काळात कर्तव्य बजावताना मृत्युमुखी पडलेल्या पोलीस कर्मचाऱ्यांच्या कुटुंबियांना 50 लाखाचे आर्थिक सहाय्य देण्याच्या निर्णयामुळे अनेक कुटुंबांना दिलासा मिळाला आहे. पोलीसांच्या जुन्या वसाहतींचा दुरुस्तीच्या कामावरदेखील भर देण्यात असल्याचे त्यांनी सांगितले.
प्रास्ताविकात पोलीस अधिक्षक बन्सल यांनी पोलीस स्टेशनच्या नूतन इमारतीविषयी माहिती दिली.
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |
अवैधरित्या दारू विक्री प्रकरणी एकावर कारवाई |
अंमली पदार्थाचे सेवन केल्याप्रकरणी एकावर गुन्हा |
राहत्या घरातून युवक बेपत्ता |
वडूज येथे बांधकाम विभागाचा अभियंता लाचलुचपतच्या जाळ्यात |
मल्हारपेठेत शाहूपुरी पोलिसांनी पकडला पावणेदोन लाखाचा गुटखा |
आज जिल्ह्यात उदयनराजेंची होणार ग्रँड एन्ट्री |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |
अवैधरित्या दारू विक्री प्रकरणी एकावर कारवाई |
अंमली पदार्थाचे सेवन केल्याप्रकरणी एकावर गुन्हा |
राहत्या घरातून युवक बेपत्ता |
वडूज येथे बांधकाम विभागाचा अभियंता लाचलुचपतच्या जाळ्यात |
मल्हारपेठेत शाहूपुरी पोलिसांनी पकडला पावणेदोन लाखाचा गुटखा |
आज जिल्ह्यात उदयनराजेंची होणार ग्रँड एन्ट्री |
सातारा लोकसभेवर अजितदादांच्या राष्ट्रवादीचा दावा कायम |
पाटखळ येथील नूतन तलाठी कार्यालयाचे अतिक्रमण |
मेक इन इंडिया पॉलिसीमुळे ‘मॅक्सिको’ होण्याची भीती? |
चक्क अप्पर जिल्हाधिकारी निवासस्थाना बाहेरचे झाड जाळण्याचा प्रयत्न |
अजित वाकनीस यांचे निधन |