सातारा : एकाचा ऊस पेटवून नुकसान केल्याप्रकरणी चौघांवर वाठार पोलीस ठाण्यात गुन्हा नोंद करण्यात आला आहे.
याबाबत पोलिसांनी दिलेली माहिती अशी, दि. 13 फेब्रुवारी रोजी दुपारी साडेपाच वाजण्याच्या सुमारास मंगेश सुभाष कदम, सुभाष खंडेराव कदम, शालन सुभाष कदम आणि प्रमोद सुभाष कदम सर्व रा. देऊर, ता. कोरेगाव यांनी तेथीलच आशिष विठ्ठल कदम यांच्या माळ नावाच्या शिवारातील गट नंबर 1120 मधील दीड एकर ऊस पेटवून देऊन आशिष कदम यांचे अंदाजे दीड लाख रुपयांचे नुकसान केले. याप्रकरणी वाठार पोलीस ठाण्यात संबंधितांवर गुन्हा दाखल करण्यात आला असून अधिक तपास पोलीस हवालदार केंजळे करीत आहेत.