सातारा : जिल्ह्यात गुरुवारी 157 जण बाधित निष्पन्न झाले असून 2 बाधितांचा उपचारादरम्यान मृत्यू झाला आहे. जिल्ह्यातील 42 नागरिकांना डिस्चार्ज देण्यात आला असून 390 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
गुरुवारी जिल्ह्यात 157 बाधित निष्पन्न झाल्याने जिल्ह्यातील कोरोनाबाधितांची संख्या 59 हजार 425 वर पोहोचली आहे. तसेच 2 बाधितांचा उपचारादरम्यान मृत्यू झाल्याने जिल्ह्यातील कोरोनाबळींची संख्या 1 हजार 859 वर पोहोचली आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 42 नागरिकांना कोरोनातून खडखडीत बरे झाल्याने घरी सोडण्यात आले. त्यामुळे जिल्ह्यातील कोरोनामुक्तांचा आकडा 55 हजार 951 वर पोहोचला असून 390 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
2 बाधितांचा मृत्यू
स्व.क्रांतीसिंह नाना पाटील रुग्णालय, सातारा येथे दिडवाघवाडी येथिल 50 वर्षीय महिला व जिल्ह्यातील खासगी हॉस्पीटलमध्ये दहिवडी ता. माण येथील 74 वर्षीय महिला या दोन कोविड बाधितांचा उपचारादरम्यान मृत्यु झाला असल्याचेही डॉ. चव्हाण यांनी कळविले आहे.
390 जणांचे नमुने पाठविले तपासणीला
जिल्हा  रुग्णालय सातारा येथील 35, कराड येथील 105, फलटण येथील 5, कोरेगाव येथील 33, वाई येथील 49, खंडाळा येथील 2, रायगाव येथील 28, पानमळेवाडी येथील 35, महाबळेश्वर येथील 30,  म्हसवड येथील 14 व कृष्णा मेडिकल कॉलेज येथील 54 असे एकुण 396 जणांचे नमुने तपासणीला पाठविण्यात आले आहे, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.