सातारा : जिल्ह्यात शनिवारी 4 बाधितांचा मृत्यू, तर 135 बाधितांची नोंद झाली. तसेच 120 नागरिकांना डिस्चार्ज देण्यात आला असून 269 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
शनिवारी जिल्ह्यात 4 बाधितांच्या मृत्यूने कोरोनाबळींची संख्या 1 हजार 710 वर पोहोचली आहे. तसेच 135 बाधित निष्पन्न झाल्याने एकूण बाधितांचा आकडा 51 हजारांचा पल्ला पार करीत 51 हजार 59 वर पोहोचली आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 120 नागरिकांना घरी सोडण्यात आल्याने जिल्ह्यातील कोरोनामुक्तांचा आकडा 48 हजार 292 वर पोहोचला असून 269 जणांचे नमुने तपासणीसाठी पाठविण्यात आले असल्याचीही माहिती जिल्हा शल्यचिकित्सक डॉ. सुभाष चव्हाण यांनी दिली.
4 बाधितांचा मृत्यू
जिल्हा रुग्णालय सातारा  येथील सत्वशिलनगर ता. सातारा येथील 78 वर्षीय महिला, जिल्ह्यातील विविध खासगी हॉस्पीटलमध्ये सैदापूर ता. कराड येथील 68 वर्षीय पुरुष, भादे ता. खंडाळा येथील 73 वर्षीय पुरुष, काळचौंडी ता. माण येथील 84 वर्षीय पुरुष, अशा एकूण 4 कोविड बाधितांचा उपचारादरम्यान मृत्यू झाला आहे, असेही डॉ. चव्हाण यांनी कळविले आहे.
269 जणांचे नमुने पाठविले तपासणीला
स्व. क्रांतीसिंह नाना पाटील सर्वसाधारण रुग्णालय सातारा येथील 25, कराड येथील 25, फलटण येथील 15, कोरेगांव येथील 11, वाई येथील 23, खंडाळा येथील 25, रायगांव येथील 14, पानमळेवाडी येथील 34,  महाबळेश्वर येथील 10, दहिवडी येथील 5, म्हसवड येथील 7, पिंपोडे येथील 5, व कृष्णा मेडिकल कॉलेज कराड येथील 70 असे एकूण 269 जणांचे नमुने तपासणीला पाठविण्यात आले आहेत, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.