सातारा : श्री. छ. प्रतापसिंह महाराज थोरले नगर वाचनालयातर्फे कै. सौ. जयश्री यशवंत कारखानीस स्मृतिप्रित्यर्थ देण्यात येणारा कर्तृत्व गौरव पुरस्काराचा वितरण सोहळा विविध मान्यवरांच्या उपस्थितीत रविवार, दि. 26 रोजी होणार सायंकाळी 5.30 वाजता नगर वाचनालयाच्या पाठक हॉलमध्ये होणार असल्याची माहिती साहित्यिक डॉ. राजेंद्र माने यांनी दिली.

यावर्षी सामाजिक भान असलेले प्रख्यात हृदयरोग तज्ञ डॉ. सोमनाथ साबळे तसेच रस्त्यावरील अनाथांना मायेची उब देवून त्यांना उभे करण्याचा प्रयत्न करणारे यशोधन ट्रस्टचे संस्थापक रवि बोडके यांना या कर्तृत्व गौरव पुरस्काराने गौरवण्यात येणार आहे.

प्रख्यात वक्ते व शिवसेनेचे उपनेते प्रा. नितीन बानुगडे पाटील यांच्या हस्ते या पुरस्काराचे वितरण होणार असून सर्व सातारकरांनी या पुरस्कार वितरण सोहळ्यास उपस्थित रहावे, आवाहन नगर वाचनालयाचे अध्यक्ष अजित कुबेर, उपाध्यक्ष अतूल दोशी, विश्‍वस्त समितीचे अध्यक्ष अनंतराव जोशी तसेच संचालक मंडळाने केले आहे.