01:03am | Sep 20, 2018 |
सातारा : कोरेगाव शहरातील मुख्य रस्त्यावरील दरबार कलेक्शनच्या पाठिमागील पत्र्याच्या शेडमध्ये सुरु असलेल्या जुगार अड्ड्यावर सातारा येथील स्थानिक गुन्हे शाखेच्या अधिकारी व कर्मचार्यांच्या पथकाने परिवेक्षाधीन पोलीस उप अधीक्षक मिलींद शिंदे यांच्या मार्गदर्शनाखाली छापा मारुन कोरेगाव शहरासह तालुक्यातील अनेक व्हाईट कॉलर प्रतिष्ठांना बेड्या ठोकल्याने जिल्ह्यात खळबळ उडाली आहे.
काल दि. 18 रोजी संध्याकाळी सहा ते सातच्या दरम्यान मिळालेल्या गुप्त माहितीच्या आधारे परिवेक्षाधीन पोलीस अधीक्षक मिलींद शिंदे यांच्या मार्गदर्शनाखाली सातारा येथील स्थानिक गुन्हे शाखेच्या अधिकारी व कर्मचार्यांनी कोरेगाव शहरातील मुख्य रस्त्यावर असणार्या दरबार कलेक्शनच्या पाठिमागील पत्र्याच्या शेडमध्ये सुरु असलेल्या जुगार अड्ड्यावर छापा मारुन जुगार खेळत असलेले कोरेगाव पंचायत समितीचे माजी सभापती संजय झंवर, कोरेगाव शहरातील ज्येष्ठ विधीज्ञ आणि सातारा जिल्हा बँकेचे माजी संचालक ऍड. जयवंतराव केंजळे यांच्यासह नऊजणांना पोलीस पथकाने ताब्यात घेतले. त्यांच्यावर कोरेगाव पोलीस ठाण्यामध्ये बेकायदेशीर बिगर परवाना पैशांवर पत्ते, जुगार खेळत असल्याप्रकरणी सर्व संशयित आरोपींना अटक करुन काल दि. 18 रोजी रात्री साडे अकराच्या दरम्यान योग्य व लायक जामीनदार दिल्यामुळे संशयित आरोपींची मुक्तता करण्यात आली. काल ज्या जुगार अड्ड्यावर एलसीबीच्या पथकाने छापा मारला, तो जुगार अड्डा गेल्या 35 वर्षापासून सुरु आहे. याठिकाणी नियमितपणे जुगार खेळला जात होता. मात्र संबंधित जुगार अड्डा कोरेगाव तालुक्यातील एका मातब्बर राजकीय पुढार्याकडे भाडेतत्वावर दिला असल्याने गेल्या 35 वर्षात कोरेगाव पोलीसांनी या जुगार अड्ड्याकडे साधे ढुंकूनही पाहिलेले नाही. पोलीस अधीक्षक पंकज देशमुख यांनी पोलीस अधीक्षक पदाची सूत्रे हाती घेतल्यानंतर या जुगार अड्ड्यावर पोलिसांनी छापा मारल्यामुळे कोरेगावातील अनेक महिलांनी आनंद व्यक्त केला आहे. जुगार अड्ड्यावर धाड पडल्यानंतर जुगार खेळणारे कोरेगावातील राजकीय बाहुबली, व्हाईट कॉलर, बडे व्यापारी अशांची पाचावर धारण बसली. अनेकांनी त्या ठिकाणावरुन पळ काढण्याचा प्रयत्न केला. मात्र, पोलिसांनी तगडी फिल्डिंग लावल्यामुळे कोणीही जागचा हलला नाही. या कारवाईत पोलिसांनी रोख रकमेसह मोबाईल व इतर साहित्य असे मिळून सुमारे 1 लाख 9 हजारांचा मुद्देमाल जप्त केला आहे. दरम्यान, काल संध्याकाळी सहा वाजता या जुगार अड्ड्यावर छापा मारल्यानंतर गुन्हा दाखल होण्यास सुमारे पाच तासांचा अवधी लागला. सातारा पोलिसांवर गुन्हा दाखल करताना प्रचंड राजकीय दबाव होता. या कारवाईबाबत पोलिसांनी कमालीची गुप्तता पाळल्यामुळे आज दुपारपर्यंत या घटनेबाबत कोणालाच काहीही माहित नव्हते. मात्र या व्हाईट कॉलर जुगार्यांना वाचविण्यासाठी सातारा पोलीस अधीक्षकांसह कोरेगावच्या पोलीस निरीक्षकांकडे ही कारवाई दाबण्यासाठी अनेकांचे फोण खणाणले. मात्र पोलिसांनी या पुढार्यांना भीक घातली नसल्याने या जुगार्यांवर केलेल्या कारवाईची चर्चा दिवसभर जिल्हाभरात होती. लोकांना उपदेशांचे डोस पाजणारेच अनेक व्हाईट कॉलर व राजकीय पुढारी जुगार खेळताना सापडल्याने अनेकांची या निमित्ताने पोल खोल झालेली आहे. आपण काय करतोय, याचे भान संबंधित पुढार्यांना असायला हवे होते, अशी चर्चा कोरेगाव तालुक्यातील सूज्ञ मतदारांमध्ये आहे.
जुगार्यांना वाचविण्यासाठी राष्ट्रवादीच्या बड्या नेत्यांची फिल्डिंग
काल संध्याकाळी कोरेगावातील जुगार अड्ड्यावर छापा मारल्यानंतर कोरेगावात खळबळ उडाली. प्रामुख्याने कॉंग्रेस व राष्ट्रवादीचे पुढारी या छाप्या दरम्यान सापडले. आपण गोत्यात आलो आहे, हे समजताच संबंधितांनी आपापल्या गॉड फादरला स्वत:ला वाचविण्यासाठी साकडे घातले. त्यानंतर थेट विधीमंडळातून फलटण नरेशांचाही पोलीसांना फोन गेला. स्थानिक आमदारांपासून जिल्ह्यातील सर्वच राष्ट्रवादीच्या आमदारांनी आपल्या शिलेदारांना वाचविण्यासाठी मोठे लॉबिंग केले. मात्र, सातारा पोलिसांसमोर त्यांची डाळ शिजली नाही. अखेर काल रात्री उशीरा याबाबत कोरेगाव पोलीस ठाण्यात गुन्हा दाखल झाला.
महिलेचा विनयभंग केल्याप्रकरणी एकावर गुन्हा |
सराईत गुन्हेगाराने दिली तीन घरफोड्यांची कबुली |
उदयनराजे यांच्या समर्थनार्थ सातार्यात लोटला जनसागर |
शिक्षक हेच सुसंस्कृत समाजनिर्मितीचे जनक |
अजिंक्यतारा कारखान्यावर वादातून झाला गोळीबार |
जनता बँक साताराच्या तज्ज्ञ संचालकपदी सौरभ रायरीकर, राजेंद्र जाधव यांची निवड |
महिलेची गळफास घेवून आत्महत्या |
एकाच्या मृत्यूप्रकरणी कार चालकावर गुन्हा |
संशयित माल जवळ बाळगल्याप्रकरणी एकावर गुन्हा |
राहत्या घरातून युवती बेपत्ता |
वाई, जावळी परिसरात जोरदार अवकाळी पाऊस |
विरोधकांच्या रडीच्या डावाला जनता भुलणार नाही |
महायुतीचे आज सातार्यात जोरदार शक्ती प्रदर्शन |
सातारा जिल्ह्यात राम लल्लाच्या गजराने रामनवमी साजरी |
उदयनराजे यांच्या शक्तीप्रदर्शनासाठी आमदार शिवेंद्रसिंहराजे सज्ज |
जनता बँक साताराच्या तज्ज्ञ संचालकपदी सौरभ रायरीकर, राजेंद्र जाधव यांची निवड |
महिलेची गळफास घेवून आत्महत्या |
एकाच्या मृत्यूप्रकरणी कार चालकावर गुन्हा |
संशयित माल जवळ बाळगल्याप्रकरणी एकावर गुन्हा |
राहत्या घरातून युवती बेपत्ता |
वाई, जावळी परिसरात जोरदार अवकाळी पाऊस |
विरोधकांच्या रडीच्या डावाला जनता भुलणार नाही |
महायुतीचे आज सातार्यात जोरदार शक्ती प्रदर्शन |
सातारा जिल्ह्यात राम लल्लाच्या गजराने रामनवमी साजरी |
उदयनराजे यांच्या शक्तीप्रदर्शनासाठी आमदार शिवेंद्रसिंहराजे सज्ज |
सातारा जिल्ह्यात रामनवमी उत्साहात साजरी |
उष्माघातावरील उपचारासाठी सर्व शासकीय रुग्णालयांमध्ये कक्ष स्थापन |
आदर्श आचारसंहितेच्या काटेकोरपणे अंमलबजावणीस सर्वोच्च प्राधान्य : जिल्हाधिकारी डुडी |
श्रीराम नवमी निमित्त राम ध्यान मंदिरात अर्पित कथक नृत्यलयाचा कार्यक्रम |
निवृत्तीवेतनधारक/कुटुंबनिवृत्तीवेतन धारकांना आवाहन |