सातारा : सातारा लोकसभा मतदारसंघाचे लाडके खासदार श्री. छ. उदयनराजे भोसले यांनी आज दुपारी पिंपोडे बु॥ ता. कोरेगाव येथे सुरु असलेल्या 'केसरी' या चित्रपटाच्या शुटिंगच्या सेटवर भारतीय सिनेमासृष्टितील नावाजलेल्या सुपरस्टार अभिनेता अक्षय कुमार याची सदिच्छा भेट घेतली. या भेटीमुळे अक्षय कुमार मात्र भारावून गेला. एक राजकारणातील, तर दुसरा चित्रपटातील खिलाडी या भेटीमुळे पिंपोडे पंचक्रोशीतील नागरिकांना मात्र सुखद धक्का मिळाला.
याबाबत सविस्तर माहिती अशी की, सातारा लोकसभा मतदारसंघाचे खासदार श्री. छ. उदयनराजे भोसले यांनी पिंपोडे बु॥ परिसरात सुरु असलेल्या जलयुक्त शिवार व वॉटर कप स्पर्धेच्या अनुषंगाने पिंपोडे बु॥ परिसराचा आज दौरा केला होता. त्यावेळी बाजूलाच अक्षय कुमार याच्या 'केसरी' या चित्रपटाचे चित्रीकरण सुरु होते. यावेळी खा. उदयनराजे भोसले यांनी आपला मोर्चा थेट चित्रीकरणस्थळी वळवला. उदयनराजेंच्या आगळ्यावेगळ्या आगमनामुळे चित्रपटाच्या सेटवर एकच खळबळ उडाली. जो-तो चित्रीकरण सोडून उदनराजेंच्या बरोबर सेल्फी घेवू लागला. दरम्यान एका कर्मचार्याने उदयनराजे आल्याबाबतची वर्दी अभिनेता अक्षय कुमार याला दिली. लागलीच अक्षय कुमार याने खा. उदयनराजे यांची भेट घेवून अलिंगन दिले. याबाबत दोघांचीही वेगवेगळ्या विषयावर दीर्घ चर्चा झाली. यावेळी अक्षय कुमार म्हणाला, सातारा जिल्हा हा मला प्रथमपासूनच खूप आवडतो. यापूर्वी माझ्या खट्टा-मिठा या चित्रपटाचे संपूर्ण चित्रीकरण फलटण येथे झालेले आहे.
सातारा जिल्ह्यामध्ये नेहमीच विविध हिंदी चित्रपटांचे चित्रीकरण होत असते. येथील निसर्ग भौगोलिक परिस्थिती चित्रीकरणासाठी अनुकूल आहे. त्यामुळे इथून पुढे माझ्या चित्रपटांच्या शुटिंगसाठी मी सातारा जिल्ह्यासाठी आग्रही असेन. यावेळी खा. उदयनराजे यांनी अक्षय कुमारच्या सामाजिक कार्याबद्दल त्याचे तोंडभरुन कौतुक केले. तसेच जिल्ह्यातील भूमीपुत्रांना या चित्रपटाच्या चित्रीकरणादरम्यान दिलेल्या रोजगाराबद्दलही त्याचे आभार मानले. खा. उदयनराजे भोसले यांनी अक्षय कुमारला आपल्या जलमंदिर पॅलेस येथे येण्याचे निमंत्रण दिले आहे. हे निमंत्रण अक्षय कुमारने आनंदाने स्विकारले. दरम्यान, आज दिवसभर खा. उदयनराजे भोसले व अभिनेता अक्षय कुमारच्या भेटीचीच चर्चा सोशल मिडियावर पहावयास मिळत होती.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |