सातारा : कृष्णा मेडिकल कॉलेज, कराड येथे बाधित रुग्णाच्या निकट सहवासित म्हणून विलगीकरण कक्षात दाखल करण्यात आलेले 7 नागरिक कोरोना (कोविड-19) बाधित असल्याचे बी.जे.वैद्यकीय महाविद्यालय, पुणे यांनी कळविले आहे, अशी माहिती जिल्हा शल्यचिकित्सक डॉ. आमोद गडीकर यांनी दिली आहे.

प्राथमिक तपासण्यानंतर त्यांची प्रकृती स्थिर असून, विलगीकरण कक्षात लागु असलेल्या सर्व नियमानुसार काटेकोरपणे निगराणीखाली उपचार चालु असल्याची माहितीही जिल्हा शल्यचिकित्सक डॉ. आमोद गडीकर यांनी दिली आहे.