सातारा : वॉटर कप स्पर्धांच्या अनुषंगाने कोरेगाव तालुक्यात जलसंधारणाची कामे मोठ्या प्रमाणावर सुरु आहेत. गेल्या काही वर्षांपासून वॉटर कप स्पर्धेमुळे महाराष्ट्रातील अनेक दुष्काळी गावे पाणीदार झाली आहेत. लोकसहभागातून श्रमदानाची ही किमया होती. गेल्या काही महिन्यांपासून पिंपोडे परिसरामध्ये प्रसिद्ध अभिनेता अक्षय कुमारच्या आगामी चित्रपटाचे चित्रीकरण सुरु आहे. समाजसेवेसाठी नेहमीच ओळखल्या जाणार्या अक्षयकुमारने पिंपोडे बुद्रुक, ता. कोरेगाव येथे सुरु असलेल्या वॉटर कप स्पर्धेच्या कामासाठी हातभार लागावा यासाठी तब्बल पंचवीस लाख रुपयांचा चेक देवून जलसंधारणाच्या कामाला बळ दिले आहे.
सध्या राज्यभरात वॉटर कप स्पर्धांच्या अनुषंगाने जलसंधारणाची कामे मोठ्या प्रमाणावर सुरु आहेत. कोरेगाव तालुक्यातील सुमारे 41 गावांनी या स्पर्धेमध्ये सहभाग घेतला आहे. उत्तर कोरेगावमध्ये सुमारे 40 गावे कायम दुष्काळी म्हणून ओळखली जातात. बाजूनेच वसना, वांगणा ही महत्त्वाकांक्षी योजना जाते. परंतू या योजनेचा कसल्याच प्रकारचा फायदा या गावांना होत नाही. वॉटर कप स्पर्धेच्या अनुषंगाने या दुष्काळी गावांनी आता पाणीदार होण्यासाठी कंबर कसली आहे. स्पर्धेत पात्र ठरण्यासाठी सुमारे 5 लाख 40 हजार घनमीटरचे काम करावे लागणार आहे. त्यामधील 5 लाख घनमीटर हे यंत्राच्या सहाय्याने, तर 40 हजार घनमीटरचे काम श्रमदानातून करावे लागणार आहे. शासनाकडून या कामांसाठी एक छदामसुद्धा देण्यात आलेला नाही. असे असताना पिंपोडे बुद्रुककरांनी लोकसहभागातून व श्रमदानातून सुमारे 30 टक्के जलसंधारणाचे काम पूर्ण केले आहे.
बॉलिवूडचा लोकप्रिय अभिनेता अक्षय कुमार याच्या ‘केसरी’ या आगामी चित्रपटाचे चित्रीकरण पिंपोडे परिसरामध्ये सुरु होते. पिंपोडे बुद्रुकमध्ये सुरु असलेल्या वॉटर कप स्पर्धेची माहिती अक्षय कुमारला समजल्यानंतर अक्षय कुमारनेही पिंपोडे येथे जावून श्रमदान केले. एवढ्यावरच न थांबता अक्षयने तब्बल 25 लाख रुपयांचा धनादेश पिंपोडे बुद्रुक येथील छत्रपती शिवाजी महाराज पाणी फौंडेशन समितीला सुपूर्द केला. यावेळी पिंपोडे बुद्रुकचे सरपंच नैनेश कांबळे यांच्यासह पाणी फौंडेशनचे पदाधिकारी उपस्थित होते. अक्षय कुमारच्या या आर्थिक मदतीमुळे पिंपोडेकरांच्या श्रमाला आर्थिक पाठबळ मिळाले आहे. त्यामुळे या भागात नवीन जलक्रांती पर्वाची सुरुवात झालेली आहे.
वाठार स्टेशन, पिंपोडे बुद्रुक, सोनके, तडवळे संमत वाघोली, तळिये, वाघोली, सर्कलवाडी, सोळशी या गावांमध्ये उन्हाळ्यात पाण्याचे मोठ्या प्रमाणावर दुर्भिक्ष्य असते. या अडचणीवर मात करण्यासाठी पाणी अडवा, पाणी जिरवा व विहिरींच्या पाण्याची पातळी वाढवा, हे सूत्र अवलंबून पिंपोडे बुद्रुककरांनी वॉटर कप स्पर्धेच्या माध्यमातून एक पाऊल पुढे टाकलेले आहे. ही जलक्रांती केवळ वॉटर कप स्पर्धेपुरतीच मर्यादित न राहता, ती चिरकाल टिकावी व गावाचा दुष्काळ कायमचा हद्दपार करावा, यासाठी पिंपोडे बुद्रुककर सरसावले आहेत. लोकसहभाग आणि श्रमदानातून 30 टक्के जलसंधारणाचे काम पूर्ण झालेले आहे. उर्वरित कामांसाठी अभिनेता अक्षय कुमारने 25 लाखांचा निधी छत्रपती शिवाजी महाराज पाणी फौंडेशन समितीला सुपूर्द केला आहे. यामुळे या जलसंधारणाच्या कामाला गती मिळाली आहे. पडद्यावरील हिरो हे केवळ पडद्यावरचे हिरो न राहता ते जनमाणसांतही आपल्या सामाजिक कार्याच्या माध्यमातून आपली छाप सोडत असतात, हे अक्षय कुमारने पिंपोडे बुद्रुककरांसह राज्याला दाखवून दिले आहे. पिंपाडे बुद्रुकमधील पिण्याच्या पाण्याचा व शेतीचा प्रश्न या निमित्ताने मार्गी लागला आहे. सुजलाम सुफलाम् भविष्यासाठी पिंपोडेकरांना आता झगडावे लागणार नाही. अभिनेता अक्षय कुमारच्या या दातृत्वामुळे पिंपोडे बुद्रुकचे रुपडे मात्र पलटणार आहे.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |