महाबळेश्वर : कुटुंबियांसमवेत सुट्टीसाठी महाबळेश्वर फिरण्यास आलेल्या हमजा जावेद मानकिया (वय 15) रा. पायधुनी, मुंबई हा मुलगा आंघोळीसाठी गेला असता गरम पाणी भाजल्याने बाथरूममध्ये त्याचा मृत्यु झाला. उपचारासाठी त्याला येथील ग्रामिण रूग्णालयात दाखल केले असता त्याचा मृत्यू झाल्याचे डॉक्टरांनी  सांगितले.        

महंमद उकाजी वाडीया (वय 61) रा. कोळसा मोहल्ला पायधुनी मुंबई हे काल शुक्रवारी पत्नी मुली जावई व नातवंडे यांना घेवुन महाबळेश्वर फिरायला आले होते येथील स्कुल मोहल्ला मधील अमिर पटेल हे त्यांच्या ओळखीचे आहेत त्यांची खोली सहा दिवसांसाठी त्यांनी भाडे तत्वावर घेतली होती. शनिवारी सकाळी कुटुंबियातील सर्व सदस्य आवरून गप्पा मारत बसले होते. त्यावेळी वाडिया यांचा नातू हमजा नावेद मानकीया (वय 15) हा अंघोळीसाठी बाथरूम मध्ये गेला होता.

बराचवेळ झाला तरी हमजा बाहेर आला नाही म्हणून कुटुंबियातील सदस्यांनी दरवाजा ठोठावला. मात्र आतून कोणताही प्रतिसाद आला नाही. त्यामुळे नातेवाईकांनी दरवाजा तोडला. यावेळी हमजा बाथरूम मध्ये पडला होता. त्याचे शरीर खूप भाजले होते. त्याला उपचारासाठी दाखल केले असता डॉक्टरांनी तो मयत झाल्याचे सांगितले. या घटनेची नोंद महाबळेश्वर पोलीस ठाण्यात झाली आहे.