दहिवडी : शेतामध्ये असलेल्या शेततळ्याची नोंद सातबाऱ्यावर करण्यासाठी कुळकजाई येथे नियुक्तीस असलेले तलाठी रोहीत सुधाकर माळी (वय ३२) व गाव कोतवाल मल्हारी उर्फ भगवान हरिबा वायदंडे (वय ४3 वर्षे) ,कुळकजाई ता. माण यांना तीन हजार रुपयाची लाच स्वीकारताना लाचलुचपत प्रतिबंधक विभागाने रंगेहात पकडले.

याबाबत सविस्तर माहिती अशी कि, तक्रारदार यांच्या शेतामध्ये असलेल्या शेततळ्याची नोंद सातबाऱ्यावर करण्यासाठी तलाठी रोहीत सुधाकर माळी यांनी तक्रारदार यांचेकडे तीन हजार रुपयाची मागणी केली होती. त्यानुसार फिर्यादी यांनी याबाबत सातारा येथील लाचलुचपत प्रतिबंधक विभागाकडे तक्रार केली होती.

त्यांनंतर ठरल्याप्रमाणे आज रक्कम देण्याचे कबूल केले होते. त्यानुसार दहिवडी दूरसंचार कार्यालय इमारतीच्या आवारात कोतवाल मल्हारी उर्फ भगवान हरीबा वायदंडे हा तलाठी माळी यांच्या सांगण्यावरुन तीन हजार रुपयाची लाच स्वीकारताना लाचलुचपत विभागाच्या अधिकाऱ्यांनी व कर्मचाऱ्यांनी रंगेहात पकड़ले त्यांनंतर तलाठी माळी व कोतवाल वायदंडे यांच्यावर लाचलुचपत विभागाने दहिवडी पोलीस ठाण्यात गुन्हा दाखल केला आहे.
या घटनेने माण तालुक्यात मोठी खळबळ उडाली असून रात्री उशिरा पर्यंत हि करवाई चालू होती. हि कारवाई उपअधीक्षक सुहास नाडगौड़ा, पोलिस सहा.फौ. आनंदराव सपकाळ, पोलिस हवालदार संभाजी बनसोडे, तेजपाल शिंदे, पो.कॉ. संभाजी काटकर यांनी केली आहे.