सातारा : सध्या पावसाळ्याचे दिवस आहेत. परंतू पावसाळा सुसह्य होण्याऐवजी रस्त्यातील खड्ड्यांमुळे असह्य होवू लागला आहे. मात्र, ज्या जनतेच्या जिवावर लोकप्रतिनिधी निवडून जातात, तेच लोकप्रतिनिधी रस्ते ठेकेदारांच्या दारात कमिशनरुपी भीक मागण्यासाठी उभे राहत असल्यामुळे ठेकेदारांसह सामान्य जनतेची कुचंबना होवू लागली आहे.
जिल्ह्यात सार्वजनिक बांधकाम विभाग, जलसंपदा, कृषी, जिल्हा परिषद यांसह अनेक संस्था आहेत. यांच्या मार्फत रस्ते तसेच प्रकल्पांची कामे मार्गी लावली जातात. मात्र, ही कामे किती सदोष असतात, हे या पावसाळ्यामध्येच उघड झाले आहे. असे असतानाही अशा ठेकेदारांच्या गचांडीला पकडून निकृष्ठ दर्जाच्या कामाचा जाब विचारण्याऐवजी आगामी विधानसभा निवडणुका डोळ्यासमोर ठेवून निवडणुकांसाठी ‘चंदा’ जमा करण्याच्या नावाखाली हेच लोकप्रतिनिधी ठेकेदारांच्या दारात जावून कमिशनची भीक मागत आहेत, असे चित्र जिल्ह्यात काही ठिकाणी दिसत आहे. लोकप्रतिनिधींच्या या चंदाबाजीमुळे मात्र ठेकेदार मेटाकुटीस आले आहेत. अधिकार्यांनाही द्यायचे आणि लोकप्रतिनिधींनाही द्यायचे, तर राहिलेल्या पैशात पुढचे काम कसे करायचे, असा प्रश्न ठेकेदारांना पडलेला आहे. जिल्ह्यात अनेक छोटे-मोठे बांधकाम ठेकेदार आहेत. कामाच्या निविदा सुटल्यानंतर ऑनलाईन पद्धतीने अनेक ठेकेदार टेंडर भरत असतात. पाच लाखांच्या पुढे कोट्यवधी रुपयांच्या प्रकल्पांसाठी टेंडर भरले जातात. ज्याचे टेंडर सर्वात कमी असेल, त्याला ते काम दिले जाते. वास्तविक काम जर शंभर रुपये असेल, तर ते काम ऐंशी रुपयात कसे होणार? त्यासाठी ठेकेदारांना ‘मापात पाप’ करावेच लागते. वरुन बिल काढण्यासाठी अधिकार्यांना कमिशन द्यावे लागते. असे असतानाच जिल्ह्यातील काही लोकप्रतिनिधींनी मात्र आगामी विधानसभा निवडणुका डोळ्यासमोर ठेवून ‘चंदा’ जमवण्यास सुरुवात केली आहे.
मर्जीतील बांधकाम ठेकेदारांसह छोट्या-मोठ्या ठेकेदारांना लोकप्रतिनिधींचे खास पंटर सोडत नसल्याने असे ठेकेदार मात्र मेटाकुटीला आले आहेत. एकतर काम निकष्ठ दर्जाचे करायचे, वरुन अधिकार्यांना कमिशन द्यायचे आणि लोकांच्या जिवावर निवडून आलेल्या लोकप्रतिनिधींचे हात ओले करायचे. या चक्रव्ह्यूहात मात्र जिल्ह्यातील ठेकेदार सापडलेले आहेत. पैसे दिले नाहीत, तर पुढचे काम मिळणार नाही, या भीतीने धास्तावलेले ठेकेदार गपगुमान चंद्याची थैली लोकप्रतिनिधींच्या पंटरच्या हातात ठेवत आहेत. जिल्ह्यातील तारळी धरणाला लागलेल्या गळतीनंतर जलसंपदा विभागाच्या आब्रुची लक्तरे वेशीवर टांगली आहेत.तत्कालीन जलसंपदा मंत्री व अधिकार्यांनी केलेल्या भ्रष्टाचारामुळेच तारळी धरणाला गळती लागल्याचा आरोप सातार्यातील सामाजिक कार्यकर्त्यांनी केलेला आहे. यापासून कोणताही बोध न घेता लोकप्रतिनिधी मात्र आगामी विधानसभा निवडणुका डोळ्यासमोर ठेवून आपले टार्गेट पूर्ण करण्यात व्यस्त आहेत. मात्र याचा फटका ठेकेदारांना बसलेला आहे. अनेक ठेकेदारांनी याबाबत नापसंती व्यक्त करुन ‘सातारा टुडे’कडे आपली कैफियत व्यक्त केली आहे. सातारा टुडे कडे या लोकप्रतिनिधींच्या नावासह पुरावे आहेत. योग्यवेळी लोकप्रतिनिधींची नावे व पुरावे प्रसिद्ध केले जातील.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |