कराड : घारेवाडी येथील पेट्रोल पंपासमोर दुचाकी व चारचाकीचा अपघात होऊन एकजण जागीच ठार झाल्याची घटना मंगळवारी दुपारी 1 वाजण्याच्या सुमारास घडली. याबाबतची खबर अमोल अशोक पाटील (वय 29 रा. पोतले ता. कराड) यांनी ग्रामीण पोलिसात दिली.

संजय राजाराम पाटील (वय 45 रा.पोतले ता. कराड) असे अपघातात ठार झालेल्याचे नाव आहे. संजय पाटील हे दुचाकीवरून जात असताना दुपारी 1 च्या सुमारास घारेवाडीजवळ कारने दिलेल्या धडकेत त्यांचा जागीच मृत्यू झाला. या अपघाताची नोंद तालुका पोलिसात झाली आहे.