06:09pm | Apr 18, 2019 |
सातारा : जिल्ह्यातील सातारा व माढा लोकसभा निवडणुकांचे बिगुल वाजल्यानंतर कॉंग्रेस व राष्ट्रवादीमधून भाजपात आयात झालेले ‘पॅकेज पोपट’ घडाघडा बोलू लागले आहेत. मुख्यमंत्र्यांच्या दरबारात स्वत:चा टीआरपी वाढविण्यासाठी बेंबीच्या देठापासून ज्या कॉंग्रेस व राष्ट्रवादीने समाजात ओळख दिली, त्याच कॉंग्रेस व राष्ट्रवादीला हे पोपट दूषणे देवू लागले आहेत. त्यामुळे पॅकेज पोपटांच्या या ना इन्साफीमुळे नीतीमत्ताही ओशाळली आहे.
देशाला आणि राज्याला दिशा देण्याचे काम सातारा जिल्ह्याने केले आहे. यशवंतराव चव्हाण, किसन वीर, क्रांतिसिंह नाना पाटील, शरद पवार, प्रतापराव भोसले, प्रमिलाकाकी चव्हाण अशा राजकीय धुरिणांनी सातारचा दबदबा देशपातळीवर ठेवला. यशवंतराव चव्हाण, वसंतदादा पाटील, शरद पवार, बाबासाहेब भोसले, पृथ्वीराज चव्हाण या सातारच्या मातीतील मुख्यमंत्र्यांनी राज्याला दिशा दिली. अशा सातारा जिल्ह्याला आता राजकीय घरघर लागली आहे. कोणी नागपुरचे, कोणी मातोश्रीचे मांडलिकत्व स्विकारले आहे. ज्या छत्रपती शिवरायांनी स्वराज्याची स्थापना केली, त्या छत्रपतींच्या आदेशाने पेशव्यांनी मराठेशाहीचे अटकेपार झेंडे रोवले. तीच सातारची भूमी पुन्हा मांडलिकत्वाच्या जोखडाखाली पिचलेली आहे. त्याला कारणेही तशीच आहेत.
राज्याचे मुख्यमंत्री देवेंद्र फडणवीस व महसूल मंत्री चंद्रकांत पाटील यांनी कॉंग्रेस व राष्ट्रवादीचा बालेकिल्ला असलेला सातारा जिल्हा काबिज करण्याचा विडा उचललेला आहे. त्यासाठी साम-दाम-दंड ही नीती वापरण्यात येत आहे. सातारचे खासदार उदयनराजे यांना गळाला लावण्यासाठी थेट मोदी-शहांपासून फिल्डिंग लावली गेली. भिडे गुरुजींची शिष्टाई यात फळाला आली नाही. शेवटी उदयनराजेंनी पवारांचे घड्याळच हातात बांधायचे फायनल केल्यानंतर महायुतीला ऐनवेळी उमेदवार चाचपण्याची वेळ आली. कराड दक्षिणेतून अतुल भोसले, उत्तरेतून मनोज घोरपडे, पाटणमधील मंद्रुळकोळे येथे यात्रेपुरते येणारे नरेंद्र पाटील, वाईतून किसन वीर वाढवता वाढवता दमछाक झालेले मदन भोसले, जावलीतून दीपक पवार, माण-खटावमधून शेखर गोरे व शेवटी माढ्यातून लोकसभेला उभे केलेले रणजितसिंह नाईक-निंबाळकर ही आयारामांची फौज भाजपने गोळा केलेली आहे. तरीही सातार्यात भाजपचा वारु म्हणावा इतका दौडताना दिसत नाही. उदयनराजे विरोधात शिवसेनेसह संपूर्ण महायुती एकवटलेली आहे. तरीही उदयनराजे अभेद्य आहेत, अशी स्थिती सध्यातरी सातारा मतदारसंघात दिसत आहे.
मूळचे कोल्हापूरचे असणारे महसूल मंत्री चंद्रकांत पाटलांनी सातार्यात मोठा ‘इंटरेस्ट’ घेतला आहे. कॉंग्रेस-राष्ट्रवादीमधून डेरेदाखल झालेल्या आयारामांना मनसबदारी देवून भाजपचे कमळ ते जिल्ह्यात फुलवू पाहत आहेत. त्यामुळे या आयारामांचाही भाव चांगलाच वधारलेला आहे. जिहे-कठापूर, वसना-वांगणाच्या पाण्यावरुन राजकारण केले जात आहे. मुख्यमंत्र्यांसमोर जिहे-कठापूर, वसना-वांगणापासून अनेकांनी मुख्यमंत्र्यासमोर आम्हाला पाणी प्रश्नाचे खूप काही कळते, अशाप्रकारची पोपटपंची केली. मात्र, राज्याचे मुख्यमंत्री देवेंद्र फडणवीस हुशार आहेत. कोण, किती पाण्यात आहे, ते त्यांना चांगलेच माहित आहे. शेवटी बेंबीच्या देठापासून कोकलणारे हे शेवटी पॅकेज पोपटच आहेत, याची त्यांना चांगली कल्पना आहे. मात्र वारंवार लायकीपेक्षा जास्त बोलून हे पॅकेज पोपट स्वत:ची लायकी दाखवून देत आहेत, अशी चर्चा भाजप कार्यकर्त्यांमधूनच होवू लागली आहे. कोणी कारखाना वाचविण्यासाठी, तर कोणी केलेले पाप झाकण्यासाठी भाजपमध्ये डेरेदाखल झाले आहेत. मात्र निवडणुकीच्या निमित्ताने मुख्यमंत्र्यांशी सलगी साधण्यासाठी हेच पॅकेज पोपट मुख्यमंत्र्यांवर मात्र ‘शायनिंग’ मारत आहेत.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |