महाबळेश्वर : जय भवानी..जय शिवाजीच्या..जयघोषात आज किल्ले प्रतापगडावर शिवप्रतापदिन शासनाच्या वतीने पारंपारिक पद्धतीने साजरा करण्यात आला. यावेळी महाराष्ट्राच्या विविध भागातून शिवप्रेमी मोठ्या संख्येने उपस्थित होते .या वेळी जय शिवाजी, जय भवानी अशा घोषणा, पोवाडा, ढोल-ताशा-हालगी, तुताऱ्या, लेझीम यांचा गजर करीत चांदीच्या पालखीतून छत्रपती शिवरायाच्या प्रतिमेची सवाद्य निघालेली भव्य मिरवणूक,छत्रपती शिवरायांच्या अश्वारूढ पुतळ्यावर हेलिकॉप्टरमधून केकेली पुष्पवृष्टी तसेच रोमांच उभे करणारे शिवकालीन ऐतिहासिक खेळांचे प्रात्यक्षिक या वैशिष्ट्यांसह आज किल्ले प्रतापगडावर शिवप्रतापदिन उत्साहात साजरा करण्यात आला. भल्या पहाटे सुर्योदयाच्या साक्षीने मंगलमय वातावरणात सुरवात झालेल्या सोहळ्याने वातावरण भारुन गेले होते.
आज भल्या सकाळी सातारा जिल्हाधिकारी श्वेता सिंघल यांच्या हस्ते भवानी मातेला महाअभिषेक व महाआरती करण्यात आली. यावेळी जिल्हाधिकाऱ्यांचे पती श्री.पुरणेश गुरुनानी, जिल्हा परिषदेचे मुख्य कार्यकारी अधिकारी डॉ. कैलास शिंदे सपत्नीक, जिल्हा पोलीस अधीक्षक पंकज देशमुख, अप्पर जिल्हाधिकारी साहेबराव गायकवाड व सौ वैष्णवी गायकवाड, अप्पर पोलीस अधीक्षक धीरज पाटील, वाईच्या उपविभागीय अधिकारी संगीता राजापुरकर-चौगुले, उपवन संरक्षक भरतसिंग हाड्डा, तहसीलदार सौ.मीनल कळस्कर, माजी आमदार नितीन शिंदे, महाबळेश्वरच्या नगराध्यक्षा सौ.स्वप्नाली शिंदे, प्रतापगड-कुंभरोशीचे सरपंच रविकांत मोरे, प्रतापगडचे उपसरपंच जनार्दन जंगम, प्रभारी नायब तहसीलदार श्रीकांत तिडके, महाबळेश्वरचे वनक्षेत्रपाल नारायण गायकवाड, आनंदा उतेकर, चंद्रकांत उतेकर, विजय जाधव, सुरेश सावंत, सखाराम मोरे, राजेंद्र जंगम, पुण्याचे उद्योजक रवींद्र भोसले आदी मान्यवरांच्या प्रमुख उपस्थितीत भक्तिमय वातावरणात आई भवानी मातेची मंत्रोच्चाराच्या गजरात व षोडशोपचारे पुजा बांधण्यात आली. भवानी मातेचे पारंपारिक सेवेकरी विजय हवालदार, पुजारी नरहरी चिंतामण हडप, विष्णू कदम, भवानी माता मंदिर व्यवस्थापक विठ्ठलसिंह परदेशी(काका), नरेंद्र परदेशी,महेश सोनावणे, अभय हवलदार, तसेच प्रतापगड ग्रामस्थ मोठ्या संख्येने उपस्थित होते.
भवानी मातेच्या मंदीरासमोर ध्वजस्तंभाचे मान्यवरांच्या ह्रस्ते विधिवत पूजन करुन शिवशाहीचे प्रतीक असणाऱ्या भगव्या ध्वजाचे रोहण कुंभरोशीचे सरपंच रविकांत मोरे यांच्या हस्ते करण्यात आले. त्यावेळी ढोल, तुताऱ्या, लेझीम यांच्या गजराने परिसर दुमदुमून गेला.
त्यानंतर मानाच्या पालखीची मान्यवरांच्या हस्ते पूजा करण्यात आली. छत्रपतींची शिवमुर्ती असलेल्या या पालखीची वाजत गाजत मिरवणुक सुरु झाली. जिल्हाधिकारी, मुख्य कार्यकारी अधिकारी, पोलीस अधीक्षक नगराध्यक्षा यांच्यासह सर्व उपस्थित मान्यवरांनी पालखी घेऊन मिरवणूक मार्गस्थ केली. जिल्हा परिषद प्राथमिक शाळा जावली, श्री. छ.शिवाजी विद्यालय कुंभरोशीच्या मुलामुलींचे लेझीम- तुताऱ्या, काठीवर चालणारी मुले, आई भवानी मातेचा व शिवरायांचा जयजयकार करणाऱ्या विद्यार्थ्यांच्या घेाषणांनी मिरवणूक मार्ग दुमदूमून गेला होता.
पालखीचे शिवरायांच्या आश्वारुढ पुतळयाजवळ आगमन झाल्यावर छत्रपती च्या पुतळयास मान्यवरांच्या हस्ते पुष्पहार अर्पण करुन भक्तिभावे पूजन करण्यात आले. यावेळी ' क्षत्रिय कुलावतंस, राजाधिराज ...., या ललकारींने, शिवरायांच्या जयजयकाराच्या घोषणांनी वातावरण भारुन गेले होते. शिवपुतळयावरील ध्वजस्तंभावर मान्यवरांच्या हस्ते भगव्याचे ध्वजारोहण केले. यानंतर सातारा पोलीस दलाच्या बॅण्ड पथकाने विविध धून वाजवून मानवंदना दिली. यानंतर शिव कर्तृत्वाचा महिमा सांगणारा जोशपूर्ण पोवाडा शाहीर प्रभाकर आसनगावकर यांनी सादर केला. कार्यक्रमाचे सूत्र संचालन शिक्षक बँकेचे माजी चेरमन विठ्ठल माने यांनी केले. जिल्हा परिषद प्राथमिक शाळा जावली, श्री. छ.शिवाजी विद्यालय कुंभरोशी, परसोंडच्या मुलामुलींनी काठ्यावर उभे राहून मिरवणुकीत सहभाग घेतला होता. व वाहवा मिळवली तसेच शिवरायांच्या कर्तुत्वाची महती सांगणाऱ्या गीताचे समूह गायन केले. शंभूराजे मर्दानी खेळ विकास मंच कोल्हापूरच्या युवकांनी सादर केलेले मर्दानी खेळ त्यात लाठी चालवणे, तलवारबाजी, दांडपट्टा, कुऱ्हाडबाजी, आगीचे खेळ आदी ऐतिहासिक खेळांचे प्रात्यक्षिक करुन उपस्थितांची मने जिंकली. दरम्यान मागील वर्षाचा अपवाद वगळता गेली अनेक वर्षे सातत्याने शासनाच्या वतीने छत्रपती शिवाजी महाराजांच्या अश्वारुढ पुतळयावर हेलिकॉप्टरद्वारे अवकाशातून पुष्पवृष्टी करण्यात येते, यावर्षीही उद्योजक अविनाश भोसले यांच्या हेलिकॉपटरमधून पुष्पवृष्टी करण्यात आली. त्यावेळचे वातावरण अत्यंत जल्लोषमय होते व जय भवानी जय शिवाजीच्या जयघोषाने परिसर दुमदुमून गेला होता. शिवप्रताप दिनाच्या निमित्ताने पोलीस प्रशासनाने कडक बंदोबस्त ठेवला होता.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |