कराड : गॅस गळतीमुळे कराडच्या माजी उपनगराध्यक्षांच्या बुधवार पेठेतील घरात अचानक आग लागली. भरवस्तीत बुधवारी (दि.८) दुपारी लागलेल्या या आगीमुळे लाखो रुपयांचे नुकसान झाले, तर लोकांची चांगलीच पळापळ झाली. या आगीमध्ये संसार उपयोगी साहित्य जळून खाक झाले. दरम्यान, त्यानंतर काही वेळातच नदीकाठच्या कचऱ्याला आग लागल्याने एकच खळबळ उडाली. या दोन्ही घटना नगरपालिकेच्या अग्निशामक दलाने शर्थीचे प्रयत्न करून विझविल्याने पुढील मोठा अनर्थ टळला.
याबाबत घटनास्थळ व पोलिसांकडून समजलेली माहिती अशी की, बुधवारी दुपारी तीन वाजण्याच्या सुमारास कराडचे माजी उपनगराध्यक्ष संभाजी सुर्वे यांच्या घरात अचानक आग लागली. गॅस गळतीमुळे ही आग लागल्याची शक्यता वर्तवली जात आहे. भर दुपारी लागलेल्या आगीने त्वरित रौद्ररूप धारण केले. त्यामुळे घरातील लोकांनी घराबाहेर पळ काढला. आगीची माहिती मिळताच कराड नगरपालिकेच्या अग्निशमन दलाची गाडी घटनास्थळी दाखल झाली.
तोपर्यंत तेथे लोकांची गर्दी जमा झाली होती. पोलिसही घटनास्थळी दाखल झाले. अग्निशामक दलाच्या गाडीने पाण्याचे फवारे मारून आग आटोक्यात आणली. तोपर्यंत आगीने संपूर्ण घराला वेढले होते. घरातील संसारोपयोगी साहित्य, धान्य, विद्युत वाहक तारा तसेच इतरही साहित्य व मौल्यवान वस्तू जळून खाक झाल्या. या आगीमध्ये लाखो रुपयांचे नुकसान झाल्याचा अंदाज व्यक्त केला जात आहे. आग लागल्याची माहिती मिळताच परिसरातील नागरिकांनी घटनास्थळी मोठी गर्दी केली होती. पोलिसांनी घटनास्थळी झालेल्या गर्दीला पांगवत घरीच थांबण्याचे आवाहन केले.
भर दुपारी मुख्य बाजारपेठेत लागलेल्या आगीमुळे परिसरातील नागरिकांमध्ये भीतीचे वातावरण निर्माण झाले होते. कोरोनाच्या पार्श्वभूमीवरती लॉकडाऊन असल्याने बहुतांशी नागरिक घरीच थांबले होते. त्यामुळे वेळीच आग आटोक्यात आल्याने पुढील मोठा अनर्थ टळला.
बुधवार पेठेत लागलेली आग विझविल्यानंतर काही वेळातच कृष्णा नदीवरील पुलालगत असलेल्या कचऱ्याला अचानक आग लागली. या आगीमुळे नदीकाठच्या लोकांमध्ये भीतीचे वातावरण निर्माण झाले होते. आगीच्या ज्वाला व धुराचे लोट बाहेर पडत असताना याबाबतची माहिती काही लोकांनी नगरपालिकेच्या अग्निशमन दलाला दिली. काही क्षणातच अग्निशामन दलाची गाडी घटनास्थळी दाखल झाली. त्यांनी पाण्याचे फवारे मारून आग आटोक्यात आणली.
कराडमध्ये बुधवारी दोन ठिकाणी घडलेल्या आगीच्या घटनेमुळे नागरिकांमध्ये भीतीचे वातावरण निर्माण झाले. कराड नगरपरिषदेच्या अग्निशमन दलाने भर उन्हात शर्थीचे प्रयत्न करून दोन्ही ठिकाणची आग आटोक्यात आणली. त्यांच्या या प्रयत्नाचे कराडकरांमधून समाधान व्यक्त केले जात आहे.
सातारा शहरातील तीन कॅफेंवर कारवाई; 9 जणांवर गुन्हे |
अल्पवयीन मुलीचे अपहरण |
महायुतीच्या रॅलीदरम्यान चोरट्यांची हाथ की सफाई |
सातारा पोलीस मुख्यालयात उपनिरीक्षकाला धमकी |
बिग बॉस फेम अभिजीत बिचुकले यांचा अर्ज दाखल |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
ट्रकच्या धडकेत दुचाकीस्वाराचा मृत्यू |
राजवाडा परिसरातून सव्वा लाखांच्या सोन्याच्या चैनची चोरी |
मारहाण प्रकरणी चौघांवर गुन्हा |
ट्रक चालकाला लुटल्याप्रकरणी तीन अज्ञातांवर गुन्हा |